Futbol lokali
Il-President tal-MFA jikkomunika l-aħħar deċiżjonijiet fl-isfond tal-kriżi COVID-19

Permezz ta’ messaġġ fuq il-paġna ta’ Facebook tal-Malta Football Association, il-President tal-MFA Bjorn Vassallo ikkomunika l-aħħar direzzjoni li l-assoċjazzjonijiet tal-football ewropej ingħataw mill-UEFA kif ukoll uffiċjaliżża l-aħħar deċiżjonijiet li ttieħdu mill-Bureau tal-Assoċjazzjoni Maltija tal-Football.

Vassallo spjega li fl-isfond tal-kriżi Coronavirus il-UEFA għarfet lill-55 assoċjazzjoni membru li ffirmat riżoluzzjoni mar-rapreżentanti tal-Leagues Ewropej, l-ECA u anke l-FIFPRO fejn hemm ftehim dwar it-triq ‘il quddiem hekk kif ġew affetwati diversi kompetizzjonijiet li ġew kollha posposti. Fost dawn hemm il-Kampjonat Ewropej UEFA Euro 2020 kif ukoll, il-kompetizzjonijiet ewropej bħal UCL u UEL u l-kampjonati domestiċi. Il-UEFA kkonfermat li ntlaħaq qbil li l-kalendarju tal-kampjonati domestiċi fl-ewropa għandhom kollha jaslu sat-tmiem tagħhom. F’każ fejn ikun hemm xi pajjiżi li dan ma jistax iseħħ il-UEFA se tkun qed twaqqaf ‘working group’ biex tgħin fid-deċiżjonijiet.

Vassallo qal li l-UEFA se tkun ukoll qed testendi d-data l-liċenzjar tal-Clubs b’xhar sa April 2020.

Mil-lat lokali Vassallo fil-messaġġ tiegħu qal li f’dawn l-aħħar jiem iltaqa’ l-Bureau tal-MFA u ddiskuta diversi suġġetti u wasal għal diversi deċiżjonijiet. Fost id-deċiżjonijiet li ttieħdu u ġew komunikati lill-istakeholders kollha permezz ta’ conference call li saret il-Ġimgħa, kien hemm l-estensjoni biex ikunu ppreżentati l-applikazzjonijiet tal-liċenzji tal-Clubs Maltin. Deċiżjoni oħra hi li l-Clubs se jkunu skużati mill-obbligu tal-istatut tal-MFA li jorganizzaw EGM biex japprovaw il-finanzi tagħhom. Dawn issa jistgħu jkunu approvati fil-Laqgħat Ġenerali Annwali li jkunu skedati għal Mejju u Ġunju. Is-CPD’s tal-Coaches ukoll ġew sospiżi għal dan l-istaġun.

Il-President tal-MFA ħabbar li l-MFA se tkun qed tikkompila rapport intern fejn se telenka d-danni li sofriet l-assoċjazzjoni biex eventwalment dan ikun ippreżentat lill-awtoritajiet. Vassallo ma tax dettalji jekk dan ir-rapport għat-talba għad-danni hux se jkun preżentat lill-UEFA, l-FIFA jew lill-awtoritajiet lokali f’pajjiżna.

L-aħħar deċiżjoni komunikata kienet dwar il-kontinwazzjoni iktar minn qabel tal-Forum intern tas-Social Dialogue hekk kif l-MFA tinsab konxja li diversi Clubs jinsabu fi kriżi fir-relazzjoni ma’ ħafna mill-impjegati tagħhom fosthom, players, coaching staff u impjegati oħra. Vassallo qal li l-MFA taf li s-sitwazzjoni preżenti qed tħalli efett ta’ nuqqas ta’ cash flow fil-Clubs u allura l-MFA se tkun qed tagħmel dak kollu possibli biex bil-kontribut ta’ dawk kollha involuti fil-logħba jittieħdu l-aħjar deċiżjonijiet wara din il-kriżi tal-COVID-19.

Miktub minn...
TVM Sport
.
Aħbarijiet Oħra
Futbol lokali

Il-Kumitat Eżekuttiv tal-MFA approva pakkett finanzjarju ta’ €1.4 miljuni biex jassisti lill-futbol Malti wara l-kriżi tal-Covid-19 u dan wara li l-futbol domestiku, bħal kull settur ieħor, kien milqut b’mod negattiv…

Futbol lokali

Gżira United FC huma t-tieni klabb wara Valletta FC li talbu lill-Malta Football Association tinvestiga l-mod kif Floriana FC ingħataw il-liċenzja tal-UEFA biex jikkompetu fil-UEFA Champions League fl-istaġun li jmiss….

Futbol lokali

Floriana FC irrispondew għall-istqarrija li ntbagħtet minn Valletta FC, iktar kmieni llum u sejħu l-allegazzjonijiet li saru fil-konfront tagħhom bħala attakk ieħor malizzjuż kontriehom. Dione Borg, Segretarju ta’ Floriana FC,…

Futbol lokali

Tony Cassar, il-President ta’ Tarxien Rainbows FC, ġie kkonfermat fil-kariga għal tal-inqas sena oħra. Dan ħareġ mil-Laqħa Ġenerali Annwali li kellu l-klabb, ilbieraħ. Waqt id-diskors tiegħu, l-President Cassar spjega il-viżjoni…

Aktar