Oħrajn
Il-Prim Ministru jilqa’ f’Kastilja ċ-champions tat-triathletes għas-Super League Triathlon

Il-Prim Ministru Joseph Muscat laqa’ f’Kastilja, iċ-Champions tat-Triathlets għas-Super League Triathlon li se ssir f’pajjiżna.

Dan huwa avveniment li se jkun qed jasal fid-dar ta’ aktar minn 400 miljun persuna.

Malta għall-ewwel darba se tospita wieħed mill-akbar avvenimenti sportivi, jekk hux l-akbar wieħed għall-2018, fl-aħħar ta’ dan ix-xahar. Fil-parti se ssir f’Malta se  jipparteċipaw numru kbir ta’ triathletes ta’ klassi  internazzjonali fl-istaġun ġdid tas-Super League Triathlon li se jkun organizzat matul tmiem il-ġimgħa bejn is-27 u t-28 ta’ Ottubru. Dan l-avveniment mistenni jiġbed l-attenzjoni ta’ ħafna aktar u nsibu li bosta entużjasti lokali għal dan it-tip ta’ sport ikunu ħerqana jistennewh.

L-istaġun fetaħ bl-ewwel leg li saret f’Jersey qabel ippreparaw għat-tieni leg li se ssir f’Malta. Imbagħad ikomplu sejrin f’Majorca, Singapore u l-Awstralja. Din id-dixxiplina hija fost l-aktar sport popolari fid-dinja u x-xenarju uniku Malti se jikkumplimenta l-isfidi u l-eċċitament li joffri dan l-avveniment. Dan l-isport hu magħruf ħafna għad-diffikultajiet li joħloq kif ukoll għall-ispirtu ta’ avventura li jevoka. Issa l-pubbliku Malti se jkollu l-opportunità kollha li josserva mill-qrib l-aqwa atleti tad-dinja waqt li jikkompetu kontra xulxin fil-klima relattivament sħuna ta’ Ottubru.

Meta ntgħażlet Malta bħala waħda mill-postijiet għal dan l-avveniment dan ikkonferma l-isem tajjeb li għandha Malta grazzi għall-isforzi kontinwi tal-Awtorità Maltija tat-Turiżmu li tippromwovi lil Malta bħala destinazzjoni sportiva. L-Awtorità tefgħet l-appoġġ kollu tagħha wara dan l-avveniment sportiv kbir. TVM hu msieħeb esklussiv mas-Super League Triathlon u qed jaħdem mal-organizzaturi biex iwassal l-aqwa esperjenza possibbli ta’ dan l-avveniment sportiv importanti, partikolarment il-leg ta’ Malta.

Fost l-atleti li se naraw f’Malta fl-aħħar ta’ dan ix-xahar se jkun hemm Alistair Brownlee (Renju Unit), Ashleigh Gentle (Awstralja), Carolina Routier (Spanja), Flora Duffy (Bermuda), Henri Schoeman (L-Afrika t’Isfel), Jacob Birtwhistle (Awstralja), Jonny Brownlee (Renju Unit), Katie Zaferes (Stati Uniti), Mario Mola (Spanja), Nicola Spirig (Żvizzera), Rachel Klamer (Olanda) u Richard Murray (L-Afrika t’Isfel).

Din hija biss lista qasira ta’ uħud mill-aqwa atleti li se jkunu f’Malta u li se jpaxxu lid-dilettanti lokali bl-aġilità, il-ħeffa u t-teknika tagħhom f’dan l-isport

F’diskors qasir, il-Prim Ministru tkellem dwar l-investiment li qed isir fil-qasam tal-isport minn dan il-Gvern.

TVM2 ixandar dirett dan l-avveniment, is-Sibt u l-Ħadd li ġej, mill-11.00am ‘il quddiem.

Miktub minn...
TVM Sport
Aħbarijiet Oħra
Oħrajn

Riżultat ta’ unur għall-iskola Maltija tal-Karate SKSM MALTA fil-Polonja fl-aħħar tal-ġimgħa  l-oħra. Tim ta’ seba’ atleti, minn 13 sa 18 il-sena, irrappreżentaw lil Malta fil-Polish Open 2019, li sar f’Szchechin,…

Oħrajn

World Pro Racing torganizza tlielaq virtwali ta’ livell għoli, tissieħeb ma’ Student Motorsport. Student Motorsport hija kumpanija li tgħin studenti li qegħdin jistudjaw fil-Motorsport, biex ikollhom esperjenzi fil-qasam tax-xogħol. Mhux…

Oħrajn

L-iżfin tal-breakdance jista’ jsir parti mill-isport Olimpiku u se jidħol fis-seħħ mill-edizzjoni ta’ Pariġi 2024. L-organizzaturi kkonfermaw li l-breakdance hu fost erba’ sports oħra li l-organizzaturi se jkunu qed jipproponu…

Oħrajn

Tifla ta’ 10 snin se tkun waqfet rekord mondjali ġdid hekk kif mill-1 ta’ April li ġej se tibda titħarreġ il-logħba tal-GO bħala plejer professjonali. Il-logħba tal-GO hi board game…

Aktar