Futbol lokali
Il-proposta dwar 11-il player barrani: reazzjonijiet mill-MFPA u l-MFA

Wara li jumejn ilu l-Premier Division Standing Committee ħa vot favur l-introduzzjoni ta’ regolament għall-użu ta’ 11 -il player barrani fil-kampjonat Premier, il-Malta Football Players Association ħarġet il-pożizzjoni tagħha fejn qalet li ma’ taqbilx ma’ din il-proposta.

Filwaqt li sostniet li din id-deċiżjoni għad trid tkun approvata fil-kunsill tal-MFA wara li jittieħed vot, l-MFPA qalet li mingħajr programm serju ta’ żvilupp , il-proposta tal-Premier League Standing Committee se tkun qed taċċerta li l-klabbs ma jkollhomx għalfejn jikkontribwixxu għall-iżvilupp tal-plejers Maltin u l-futbol Malti. L-Assoċjazzjoni tal-players tenniet li jekk din il-proposta tgħaddi in-nies li jmexxu f-futbol se jkunu qed jisparaw f’saqajhom stess.

Il-Malta Football Association intant fi stqarrija separata għamlitha ċara li kuntrarju għall-impressjoni li setgħet ingħatat, il-proposta tal-Premier League Standing Committee mhux talli għadha ma ġietx approvata, iżda l-MFA għadha lanqas ma rċeviet ebda proposta f’dan ir-rigward.

L-MFA qalet li jekk eventwalment titressaq, il-proposta trid tiġi evalwata, diskussa u approvata mill-Kunsill: l-organu magħmul mill-clubs infishom u persuni oħra fi ħdan l-assoċjazzjoni b’interess dirett fil-logħba tal-football.

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm Kontrattakk.
Aħbarijiet Oħra
Futbol lokali

KAMPJONAT BOV PREMIER 2018/19 Valletta……6 Qormi……..0 Valletta ħadu t-tieni rebħa konsekuttiva fil-kampjonat BOV Premier meta kontra Qormi huma rebħu bl-iskor ta’ 6-0, f’logħba li sa mill-ewwel minuta tagħha dehret li…

Futbol lokali

KAMPJONAT BOV PREMIER 2018/19 Pieta H. ….1 Senglea A…1 Wara 5 minuti logħob xutt fil- baxx ta’ Romani Tcanturia ġie salvat faċilment minn Nicky Vella. Fil 15 –il minuta ħarba…

Futbol lokali

Football lokali: Il-Kampjonat BOV Premier ikompli bil-raba’ ġurnata b’dan il-programm: Il-Ġimgħa Stadium Nazzjonali 19:00 Valletta – Qormi Victor Tedesco Stadium 18:00 Pieta’ Hotspurs – Senglea Athletic 20:15 Balzan – Mosta…

Futbol lokali

Il-klabb tal-Kampjonat BOV Premier Senglea Athletic ħabbar li żewġ plejers mill-Arġentina li kienu diġà mal-klabb is-sena l-oħra repgħu ngħaqdu mal-klabb mill-Kottonera. Iż-żewġ plejers huma Matias Garcia u Augusto Casetes.

Aktar