Futbol internazzjonali
Il-pulizija Arġentina lejn Madrid qabel il-finali tat-Tazza Libertadores il-Ħadd li ġej

Il-pulizija Arġentina se tagħmel il-vjaġġ għal Madrid biex tgħin lill-forzi tas-sigurta Spanjoli jiddentifikaw lil dawk li mistennija joħolqu l-inkwiet qabel il-final tat-Tazza Libertadores bejn iz-zewġ rivali mill-Arġentina, Boca Juniors u River Plate.

Qed ikun stmat li mal-għaxar t’elef persuna partitarji taż-żewġ teamijiet se jagħmlu l-vjaġġ twil mill-Amerka t’Isfel lejn Spanja biex isegwu dan il-konfront li minħabba l-inkwiet bejn il-partitarji diġa ġie pospost darbtejn.

Issa din il-finali se tintlgħab f’Estadio Bernabeu ta’ Real Madrid nhar il-Ħadd illi ġej.

Fl-ewwel leg bejniethom dan il-konfront finali ntemm fi draw ta’ 2-2 Boca home, iżda l-logħba ta’ ritorn li kienet mistennija ssir f’Buenos Aires fl-erbgħa u għoxrin ta’ Novembru li għadda ġiet posposta darbtejn wara li l-partitarji ta’ River kienu attakkaw ix-xarabank tal-players ta’ Boca barra l-Istadium Monumental.

Bil-wasla ta’ eluf ta’ partitarji Arġentini u oħrajn min dan il-pajjiż li jgħixu fl-Ewropa, l-pulizija Spanjola qed tiddeskrivi din il-logħba bħala l-aktar waħda riskjuza fl-istorja tal-belt kapitali Spanjola.

Aktar minn elfejn u hames mitt uffiċjal tal-pulizija mistennija jkunu ordnati biex izommu l-ordni fil-qalba ta’ Madrid u fil-viċinanzi tal-istadium ta’ Real Madrid għal din il-finali mistennija u li qed tiġi mlaqqma bħala ‘Superclasico’.

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra
Futbol internazzjonali

UEFA Champions League: Żewġ partiti oħra mill-ewwel leg tal-aħħar sittax tal-kompetizzjoni. Tottenham….0 Leipzig………..1 Rebħa importanti għal Leipzig li barra minn darhom għelbu lil Tottenham Hotspur f’Londra bi skor ta’ 1-0….

Futbol internazzjonali

Real Madrid jippreżentaw lill-midfielder Reinier Jesus, Brażiljan żagħżugħ ieħor ta’ 18-il sena, mingħand Flamengo. Reinier deher jemozzjona ruħu waqt il-konferenza tal-aħbarijiet fejn fiha ġie ppreżentat u rringrazzja lill-ġenituri tas-sagrifiċċji li…

Futbol internazzjonali

Iċ-Chief Executive ta’ Manchester City Ferran Soriano qal li l-allegazzjonijiet li ntqalu fil-konfront tal-klabb tiegħu li waslu biex il-UEFA ssospendiethom sentejn mill-futbol Ewropew huma kollha foloz u mmotivati politikament. Il-Ġimgħa,…

Futbol internazzjonali

UEFA CHAMPIONS LEAGUE 2019/20 L-ewwel Leg. Fażi tal-aħħar 16 Atletico Madrid……1 Liverpool……………0 Rebħa f’darhom għal Atletico Madrid fi Spanja f’logħba bilanċjata li kient deċiża b’goal uniku fil-logħba li kien skorjat…

Aktar