Futbol internazzjonali
Il-pulizija ta’ Guernsey għadhom ma qatgħux qalbhom mill-għibien tal-ajruplan

Il-pulizija ta’ Guernsey, fi stqarrija li ħarġu ftit tal-minuti ilu, qalu li qegħdin jimxu fuq erba’ possibiltajiet li setgħu seħħew mill-għibien tal-ajruplan li fuqu kien hemm l-akkwist il-ġdid ta’ Cardiff City Emiliano Sala.

Il-pulizija qalu li qegħdin ifittxu fuq dawn l-erba’ possibiltajiet:

  1. L-ajruplan illandja xi mkien ieħor u m’għamilx kuntatt;
  2. L-ajruplan illandja fuq l-ilma, u l-plejer u l-pilota ġew salvati imma ma sarx kuntatt;
  3. L-ajruplan illandja fuq l-ilma, u l-plejer u l-pilota rnexxilhom jagħmluha għal fuq il-life raft li kien preżenti fuq l-ajruplan;
  4. L-ajruplan tfarrak malli mess mal-ilma u l-plejer u l-pilota jinsabu fil-baħar.

Il-pulizija waslet għal dawn l-erba’ possibiltajiet wara li s’issa t-tfittxijiet kollha li saru rriżultaw fin-negattiv u ma nstabet l-ebda traċċa, la tal-ajruplan u lanqas tal-individwi.

F’rapporti mhux konfermati, jidher li l-aħħar messaġġ li l-plejer Sala bagħat lill-familjari tiegħu kien minn fuq l-ajruplan stess fejn kiteb, “Dan l-ajruplan donnu qed jaqa’ biċċiet. Jekk sa siegħa u nofs oħra ma tisimgħux mingħandi nittama li jkunu ħarġu jfittxuna għax ma nafx kemm ser naslu qawwijin u sħaħ. Qiegħed nibża.'”

Emiliano Sala kien sejjer fil-belt kapitali ta’ Wales sabiex jibda l-avventura tiegħu mat-tim ta’ Cardiff City wara t-trasferiment mingħand it-tim ta’ Nantes, bit-titjira li kienet qed twasslu mill-belt Franċiża sa Wales setgħet kienet possibilment l-aħħar waħda tiegħu. Jidher li tard it-Tnejn filgħaxija, l-ajruplan li kien fuqu Sala tilef il-kuntatt mat-torri tal-kontroll fil-Kanal Ingliż qrib il-gżira ta’ Guernsey.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

Riżultati Serie A it-33 ġurnata: Parma 1 – 1 Milan Bologna 3 – 0 Sampdoria Cagliari 1 – 0 Frosinone Empoli 2 – 4 SPAL Genoa 0 – 1 Torino…

Futbol internazzjonali

Football Internazzjonali: Mill-Premier League Ingliż Manchester City jirbħu 1-0 kontra t-team li eliminhom mill-UEFA Champions League: Tottenham Hotspur. Fl-Etihad Stadium kien Philip Foden li beda l-logħba mal-ewwel ħdax li skorja…

Futbol internazzjonali

Illejla, Juventus jistgħu jsiru ċampjins fl-Italja għat-tmien staġun konsekuttiv meta fl-Allianz Stadium jilqgħu lill-Fiorentina. Dan ser ikun il-35 Scudetto li l-bianconeri ser ikunu rebħu fl-istorja tagħhom, u wara t-telfa kontra…

Futbol internazzjonali

Chelsea, Arsenal, Valencia u Eintracht Frankfurt huma t-timijiet li se jkunu qed jilagħbu fis-semifinali tal-UEFA Europa League. Fil-partiti mit-tieni legs tal-kwarti tal-finali, huma rnexxielhom jikkwalifikaw għall-ispejjeż ta’ Sparta Prague, Napoli,…

Aktar