Futbol internazzjonali
Illejla tirritorna l-Uefa Champions League : Manchester United – PSG diretta fuq TVM2

Illejla tirritorna l-Uefa Champions League bl-ewwel żewġ logħbiet mill-fażi tal-aħħar sittax ta’ din il-kompetizzjoni. F’Old Trafford Manchester United jilqgħu lil Paris Saint-Germain f’logħba klassifika bejn żewġ timijiet kbar. Wara t-tneħħija ta’ Jose’ Mourinho, ir-Red Devils taħt Ole Gunnar Solskjaer irkupraw bil-kbir fejn kisbu tmien rebħiet u draw minn disa’ logħbiet u jinsabu fir-raba’ post tal-klassifika. Issa jridu li jdawru l-forma domestika tajba li għaddejjin minnha għall-Ewropa fejn quddiemhom isibu lil Paris Saint-Germain, leaders assoluti tal-Ligue 1 fi Franza. In-nuqqas ta’ Cavani u Neymar fost l-oħrajn jista jeffettwa b’mod negattiv lil PSG. Iżda xorta l-kwalita’ fit-tim Franċiz hija waħda vasta bi players bħal Draxler u Mbappe jmexxu l-attakk tagħhom. Manchester United – Paris Saint-Germain diretta fuq TVM 2 illejla fid-9pm.

Fil-logħba l-oħra Roma jilqgħu fl-Olimpico lil Porto. It-tim mill-kapitali Taljana kisbu rebħa kbira ta’ 3-0 fi tmiem il-ġimgħa barra minn darhom kontra Chievo. Logħba li tlaqqa lil Roma kontra t-tim t’esperjenza ta’ Porto li minkejja huwa wieħed mill-anqas timijiet ikkwotati mill-aħħar sittax xorta kapaċi joffri sfida denja.

Intant fil-logħbiet tal-lejla għall-ewwel darba fl-istorja tal-Uefa Champions League ser tintuża l-VAR.

Miktub minn...
Simon Farrugia
Ġurnalist ta' TVM Sport. Isegwi l-Isport lokali u internazzjonali. Jippreżenta l-aħbarijiet sportivi , jirraporta u kummentatur tal-logħbiet mill-Kampjonat Premier, UEFA Champions League u UEFA Europa League
Aħbarijiet Oħra
Futbol internazzjonali

Wolves 1  Manchester United 1 Mill-Kampjonat Premier Ingliż, Wolves ħadu t-tieni draw minn daqstant logħbiet meta f’darhom ġew 1-1 ma’ Manchester United. Kienu r-Red Devils li marru fil-vantaġġ mas-27 minuta…

Futbol internazzjonali

Brescia ippreżentaw uffiċjalment lill-attakkant internazzjonali Taljan Mario Balotelli li se jkun qed jirritorna jilgħab fl-Italja wara nuqqas ta’ tliet snin. Fl-intervent tiegħu, il-plejer ta’ 29 sena qal li jinsab kalm…

Futbol internazzjonali

FUTBOL INTERNAZZJONALI Bayern Munich għadhom kemm akkwistaw b’self mingħand Barcelona lill-attakkant Brażiljan Philippe Coutinho. Hekk kif ġie ppreżentat lill-mezzi tax-xandir Ġermaniżi, Coutinho deher ferm ħerqan sabiex jibda din l-avventura ġdida….

Futbol internazzjonali

Il-kowċ ta’ Real Madrid Zinedine Zidane qal li Gareth Bale ser jibqa mal-Madrileni dan wara li huwa pproduċa wirja tajba sabiex Real għelbu lil Celta Vigo bl-iskor ta’ 3-1. Wara…

Aktar