Futbol lokali
Imut Benny Casha ex President ta’ Senglea Athletic u ta’ Senglea Regatta

L-Erbgħa filgħaxija kienet ikkonfermata l-aħbar li Benny Casha ħalla din id-dinja f’aħbar li xxokjat lil bosta nies involuti fil-futbol u fit-xena tat-teatru lokali.

Casha instab mejjet fil-Kalkara fejn kollox qed jindika li kienet mewta naturali. Huwa miet fl-eta ta’ 48 sena.

Hu kien magħruf bħala ‘Benny tal-Bronk’ hekk kif għal snin twal ħadem fil-qasam tad-drama kif ukoll fil-produzzjonijiet tat-televiżjoni.

Casha li hu mill-Isla kien involut ukoll ħafna fl-Isport. Hu lagħab għal diversi snin mat-team tal-kbar tal-football ta’ Senglea Athletic fit-Tieni u anke fl-Ewwel Diviżjoni. Meta missieru Joe ex Sindku tal-Isla kien waqaf jagħti servizz lil Club tal-Footbol ta’ Senglea Athletic bħala President tal-Club kien l-istess Benny li ħa l-kariga ta’ President għal snin twal fi snin diffiċli ħafna għas-Sengleani. Fl-aħħar staġuni kien qed jokkupa l-kariga ta’ Viċi President tal-Club.

Fil-passat hu kien ukoll il-President tal-Club tar-Regatta tal-Isla u għal xi żmien anke tal-Club tal-boċċi ta’ Ħal Għaxaq.

Casha kien ukoll membru fil-Kunsill tal-Malta Football Association u kien supporter ferventi tat-team Ingliż ta’ Arsenal.

Għal xi snin kien involut ukoll fil-Karnival ta’ Malta fejn kien kompetitur f’diversi kategoriji.

 

 

Miktub minn...
TVM Sport
.
Aħbarijiet Oħra
Futbol lokali

MAFA – Kampjonat L-Ewwel Diviżjoni 2019/2020 Senglea Gunners bdew l-istaġun 2019/2020 tal-MAFA b’mod eċċezzjonali meta kontra kull mistenni għelbu liċ-champions Versity AFC bl-iskor ta’ 3-1. Anke t-tim promoss ta’ Balzan…

Futbol lokali

Claudio Marchisio, l-ex plejer ta’ Juventus u tat-tim nazzjonali tal-Italja, jinsab f’Malta fuq stedina tal-Juventus Club Cuore Bianconero. U filwaqt li jinsab hawn biex jiltaqa’ mal-Juventini Maltin, ma naqasx milli…

Futbol lokali

Diego Venancio ta’ Floriana FC huwa l-BOV Plejer tax-Xahar għal Settembru 2019. L-Attakkant Brażiljan ta’ 26 sena ngħaqad ma’ Floriana minn Senglea Athletic u huwa kontributur ewlieni għall-ambizzjonijiet ta’ Floriana…

Futbol lokali

L-eks plejer ta’ Juventus Claudio Marchisio wasal f’Malta u beda b’sensiela ta’ attivitajiet organizzati mill-Juventus Club Malta Cuore Bianconero u li għandhom ilaqqgħuh ma’ mijiet ta’ Juventini Maltin. Waqt konferenza…

Aktar