Futbol lokali
Imut Tony Zarb ‘Il-Caravaggio’

Aħbar li xxukkjat lill-kommunita’ tal-football lokali hekk kif il-Ħadd filgħodu tħabbret il-mewt ta’ Tony Zarb magħruf bħala ‘l-Caravaggio’. Zarb kien involut sew fix-xena tal-futbol lokali fejn apparti li kien jilgħab il-football meta kien iżgħar anke ma’ Valletta FC, għal snin twal kien Stadium Manager tas-Centenary Stadium. Hu fil-passat kien membru wkoll fil-kumitat ta’ Sirens FC u f’dawn l-aħħar snin kien jgħin ukoll lil-Club Għawdxi ta’ Nadur Youngsters. Hu kellu 72 sena.

Il-‘Caravaggio’ kien involut f’inċident sfortunat nhar il-Ħadd li għadda meta ttajjar minn vettura proprju ftit ‘il bogħod mill-Ground ta’ Sirens FC viċin fejn kien joqgħod u kien rikoverat l-Isptar. Matul din il-ġimgħa kien qaleb għall-aħjar iżda tilef il-battalja mal-mewt proprju dalgħodu. Hu kien magħruf ma’ kulħadd bħala bniedem altruista u jgħin lil kulħadd irrispettivament mill-kuluri tal-Club jew mil-liema diviżjoni kien il-Club. Kien magħruf ħafna għad-dixxiplina tiegħu fis-Centenary Stadium tant li fl-aħħar edizzjonijiet l-MFA kienet ippremjatu wkoll fl-MFA Awards għall-kontribut tiegħu fil-football lokali.

Mal-aħbar tal-mewt tiegħu fuq is-social media dehru kummenti ta’ sogħba u solidarjeta’ mal-familja tiegħu. Fost l-ewwel reazzjoni kien hemm dik tal-Għaqda Ġurnalisti Sports li sellmet lil Zarb u rringrazzjatu tal-koperazzjoni li dejjem sabu min għandu tul is-snin twal waqt il-logħbiet li saru mas-snin fl-Istadium taċ-Ċentinarju. L-MFA ukoll ħarġet stqarrija ssellem lill-Zarb.

Id-dettalji tal-funeral jittħabbru iktar tard. TVM Sport jingħaqad mal-kumunita’ sportiva u twassal il-kondoljanzi lill-familja Zarb.

Miktub minn...
TVM Sport
.
Aħbarijiet Oħra
Futbol lokali

It-telfa ta’ 2-1 ta’ Malta kontra n-Norveġja f’Ta’ Qali nhar it-Tnejn f’Ta’ Qali kienet l-aħħar waħda ta’ Ray Żażu Farrugia fit-tmexxija tat-team nazzjonali Malti. Fi stqarrija maħruġa dalgħodu, il-Malta Football…

Futbol lokali

KAMPJONAT EWROPEW U21 – GRUPP 8 TA’ KWALIFIKAZZJONI DANIMARKA….5 MALTA…………..1 Telfa kerha għat-tim nazzjonali Malti ta’ taħt il-21 sena kontra d-Danimarka bi skor ta’ 5-1 f’partita minn Grupp 8 ta’…

Futbol lokali

Telfa ta’ 2-0 għal Malta fil-partita minn Grupp 6 tar-rawnd ta’ kwalifikazzjoni tal-kampjonat Ewropew ta’ taħt id-19-il sena kontra Ċipru. Il-gowls ta’ Ċipru waslu fit-tieni taqsima fil-51 minuta minn Nicolasou…

Futbol lokali

Fi tmiem din il-ġimgħa ngħata bidu għall-kampjonat tal-Mini Football li qed jiġi organizzat għall-ewwel darba mill-Malta Mini Football Association u li qed jintlagħab fil-grawnd tal-8-a-side tal-Marsa. Tmien timijiet qed jieħdu…

Aktar