Futbol lokali
In-NADO dwar il-każ Jonathan Caruana: tiċħad li sar żball fit-test

L-Aġenzija Nazzjonali tal-Anti-Doping in-NADO ċaħdet li kien hemm xi żball fil-proċedura tat-testijiet u fl-analiżi fil-laboratorju tal-kampjun meħud lill-footballer Jonathan Caruana.

In-NADO qalet fi stqarrija b’reazzjoni għal rapporti fil-media, li l-kampjun instab li kien fiħ sustanza projbita, speċifikament Ostarine, li l-player aktar tard ta prova li kien ikkonsma minn supplement kontaminat.

Jonathan Caruana kien ġie oriġinarjament sospiż erba’ snin minn kull attivita’ fil-football wara li test li sarlu f’Marzu tas-sena l-oħra werieħ pożittiv għas-sustanza Ostarine, li hija pprojbita mill-Aġenzija Dinjija tal-Anti-Doping il-WADA. Caruana min-naħa tiegħu sostna li ma ħa l-ebda sustanza projbita u appella l-każ quddiem il-Qorti għall-Arbitraġġ Sportiv il-CAS: fejn aċċetta li s-supplements li kien qed jieħu jiġu analizzati, u eventwalment instab li wieħed minnhom kien kontaminat bl-Ostarine.

In-NADO qalet li b’applikazzjoni ta’ regolamenti internazzjonali li jippermettu tnaqqis ta’ sospensjoni meta atleta iġib prova ta’ tort imnaqqas u jirriżulta li t-test pożittiv kien kawża ta’ prodott kontaminat: u bi ftehim ma’ Caruana nnifsu li aċċetta li għandu tort parzjali: il-perjodu ta’ sospensjoni tnaqqas għal sitt xhur u għaldaqstant il-player huwa eliġibbli li jirritorna għat-training u l-logħob kompetittiv b’effett immedjat.

In-NADO tinnota fl-istqarrija tagħha li atleta huwa responsabbli għal kull ma jieħu: u huwa fid-dmir jaċċerta mhux biss il-htieġa ta’ kwalunkwe supplement, imma li l-konsum tiegħu ma jiksirx ir-regolamenti tal-anti-doping. Sakemm mhux verament bżonn, tgħid in-NADO, is-supplements għandhom jiġu evitati.

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra
Futbol lokali

Taħt għajnejn il-coach Lars Olsen, illum wara nofsinhar is-sessjoni uffiċjali ta’ taħriġ ta’ lejlet il-partita tal-iskwadra tal-Gżejjer Faroe fuq il-ħaxix tal-Istadium Nazzjonali. Fil-mikrofonu ta’ TVMSport, Olsen wera ruħu k unfidenti minn…

Futbol lokali

It-tim nazzjonali Malti ta’ taħt il-21 sena mmexxi mill-kowċ nazzjonali Silvio Vella rebaħ l-ewwel partita kontra t-Turkmenistan bi skor ta’ 2-1. Il-gowls ta’ Malta ġew skurjati minn Zachary Brincat u…

Futbol lokali

Malta tilgħab l-ewwel partiti minn Grupp F tal-kwalifikazzjoni għall-Kampjonati Ewropej 2020 għada s-Sibt kontra l-Gżejjer Faroe. Din se tkun l-ewwel partita minn tnejn fi tlett ijiem għat-tim nazzjonali. Ray Farrugia,…

Futbol lokali

Il-gowlkiper Jurgen Borg, li bħalissa huwa proprjetà ta’ Gzira United FC u f’dan l-istaġun qiegħed b’self ma’ Żebbug Rangers, ġie kkundannat iħallas is-somma ta’ €14,936 u imgħax ta’ 5% lil…

Aktar