Motorsport
In-Nitro World Games għall-ewwel darba barra l-Istati Uniti

L-Amerikan Travis Pastrana qiegħed jittama li jkollu suċċess kbir meta għall-ewwel darba, in-Nitro World Games se jsiru barra l-Istati Uniti. Dan is-sewwieq, li fl-2017 niżżel ismu fl-istorja meta għamel backflip bil-mutur t’aktar minn 23 metru fuq ix-xmara Thames, f’Londra, issa qiegħed iniedi l-attività ta’ dan l-isport estrem għal Cardiff, Wales. Din l-attività se ssir is-sena d-dieħla, l-ewwel darba barra l-Istati Uniti.

Aktar minn 100 persuna sportiva mistennija jingħaqdu fil-kapitali ta’ Wales, biex bejn it-23 u l-24 ta’ Mejju 2020, jiċċassaw, jimmeraviljaw u jħallu b’ħalqhom miftuħ lil dawk li se jmorru jsegwu n-Nitro World Games. Skont Pastrana, f’dan il-logħob se jsiru manuvri li qatt ma saru qabel. Id-dixxiplini f’dawn il-logħob jinkludu il-Freestyle Motocross (FMX), BMX Best Trick, BMX Triple Hit, Skate Vert u Scooter Best Trick.

Dan mhuwiex sport faċli, u mhux darba jew tnejn li jkun hemm kompetituri li jweġġgħu minħabba manuvri li jagħmlu u joħorġu ħażin. Fil-fatt, Travis Pastrana nnifsu kiser xejn inqas minn 90 għadma u sofra 25 concussion fil-karriera tiegħu.

In-Nitro World Games ser isiru fil-Principality Stadium ta’ Cardiff, f’Wales, f’Mejju tas-sena d-dieħla.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Motorsport

Il-McLaren Group ħabbru li ser inaqqsu mal-1,200 impjieg bil-proposti l-ġodda ta’ ristrutturar fil-kumpanija. Dan ir-ristrutturar ser isir biex jiġġieled l-impatt tal-imxija tal-Covid-19, bil-McLaren mal-ewwel kienu ħabbru li ser tkun diffiċli…

Motorsport

Għat-tieni ġimgħa konsekuttiva saru t-tlielaq tan-NASCAR, filwaqt li l-Formula 1 u l-IndyCar għadhom jittewwbu u jistennew sabiex jibdew l-istaġuni tagħhom. F’Darlington saru żewġ itlielaq relatati mat-tazza kif ukoll tlielaq oħra,…

Motorsport

Wara xahrejn mingħajr ma jsuqu mutur, l-aħwa Marc u Alex Marquez irritornaw fis-Circuit El Bosquet, f’Ponts fi Spanja sabiex jibdew jitħarrġu għall-istaġun il-ġdid tal-Moto GP li mistenni jibda f’Lulju. Wara…

Motorsport

L-organizzaturi ta’ le Mans qed jippjanaw biex jorganizzaw l-ikbar tellieqa virtwali fid-dinja tal-endurance f’Ġunju li ġej wara li ġew sfurzati jipposponu l-edizzjoni reali ta’ din is-sena għal Settembru minħabba l-COVID-19….

Aktar