Futbol internazzjonali
Investigazzjoni Emiliano Sala: Livelli għoljin ta’ Cohb fid-demm

Skond l-investigaturi tal-ajru t-testijiet tad-demm li saru fuq il-katavru ta’ Emiliano Sala sabu li kien hemm livelli għoljin ta’ carbon monoxide. L-istess jidher li huwa l-każ tal-pilota tal-ajruplan li kien qed isuqu lejn ir-Renju Unit.

Sala, ta’ 28 sena, kien qed fuq ajruplan tat-tip Piper Malibu f’titjira minn Nantes għal Wales sabiex jingħaqad ma’ Cardiff meta l-ajruplan sparixxa fuq il-kanal Ingliż f’Jannar illi għadda. Il-ġisem ta’ Sala nstab gimgħatejn wara qalb it-tifrik tal-fdalijiet tal-ajruplan.

Bullettin speċjali mill-Air Accident Investigation Branch tar-Renju Unit jgħid li testijiet tossikoloġiċi fuq id-demm ta’ Sala rriżultaw li kien hemm livell ta’ 58 fil-mija ta’ Cohb, taħlita ta’ carbon monoxide u haemoglobin.

Huma mifhum li persuna esposta għal din is-sustanza jista jkollha ħsara fil-moħħ, il-qalb jew is-sistema tan-nervituri b’livelli għola minn ħamsa fil-mija meqjusa bħala potenzjalment fatali.

L-AAIB qalet li l-investigazzjonijiet għadhom għaddejjin u rapport finali mistenni jiġi ppubblikat fil-futur.

Miktub minn...
Simon Farrugia
Ġurnalist ta' TVM Sport. Isegwi l-Isport lokali u internazzjonali. Jippreżenta l-aħbarijiet sportivi , jirraporta u kummentatur tal-logħbiet mill-Kampjonat Premier, UEFA Champions League u UEFA Europa League
Aħbarijiet Oħra
Futbol internazzjonali

Fl-Italja, l-President ta’ Lazio, Claudio Lotito, qal li f’dawn il-jiem kien qed jikkunsidra sabiex jibgħat lill-players tiegħu għal irtir twil wara r-riżultati negattivi li kellu t-team fis-Serie A Lazio tilfu…

Futbol internazzjonali

Atalanta 6   Brescia 2 Atalanta telgħu waħedhom fit-tieni post tal-klassifika meta xejnu l-isfida ta’ Brescia u rebħulhom 6-2. Pasalic stenna biss żewġ minuti biex poġġa lil Atalanta minn fuq, imma…

Futbol internazzjonali

Chelsea 1   Norwich 0 Gowl qabel il-mistrieħ ta t-tliet punti lil Chelsea meta fi Stamford Bridge għelbu lit-tim relegat ta’ Norwich 1-0. Kien Giroud li sab ix-xibka mat-tielet minuta fuq…

Futbol internazzjonali

Il-Premier League Ingliż ikkonferma li plejer ieħor instab pożittiv. Dan ħareġ wara diversi testijiet li saru fuq diversi plejers u membri tal-istaff. L-aħħar persuna li nstabet pożittiva tellgħet it-total ta’…

Aktar