Motorsport
Ir-Rally Dakar tas-sena 2020 tibda fil-5 ta’ Jannar bit-tappi kollha fl-Arabja Sawdija

Fil-5 ta’ Jannar tingħata bidu għall-edizzjoni ta’ din is-sena tar-Rally Dakar. Diversi sewwieqa jinsabu jippreparaw bis-sħiħ għall-edizzjoni li jmiss fosthom l-Ispanjol Carlos Sainz li għandu 57 sena u li fil-passat irnexxielu jirbaħ darbtejn dan l-unur.

Sainz magħruf bħala l-Matador f’din l-edizzjoni se jkun qed isuq X-Raid Mini buggy flimkien ma’ Lucas Cruz bħala co-driver.

L-edizzjoni tas-sena 2020 tar-Rally Dakar se tkun qed issir kollha kemm hi fl-Arabja Sawdija u tintemm f’Riyadh fis-17 ta’ Jannar bi 12 -il tappa fuq distanza kompetittiva ta’ 9,000kilometru. Fl-edizzjoni ta’ din is-sena se jikkompeti wkoll l-ex Champion tal-Formula 1 u rebbieħ tal-Le Mans Fernando Alonso.

 

 

 

Miktub minn...
TVM Sport
.