Futbol internazzjonali
Ir-rekord ta’ Francesco Acerbi jispiċċa mat-tkeċċija – kien preżenti mal-ewwel ħdax għal 149 logħba konsekuttiva

Il-logħba tal-bieraħ filgħaxija bejn Napoli u Lazio ma kienet xejn feliċi għall-plejer Francesco Acerbi, għax mhux talli t-tim tiegħu kien fuq in-naħa telliefa, imma hu spiċċa mkeċċi fl-aħħar 20 minuta tal-logħba. Għalkemm forsi li plejer jitkeċċa f’logħba futbol mhijiex aħbar li għandha toħloq xi interess partikolari, it-tkeċċija t’Acerbi tfisser li dan il-plejer ma jistax jibda l-logħba li jmiss u allura, ir-rekord tiegħu ta’ 149 logħba konsekuttiva li beda mal-ewwel ħdax, waqaf mas-70 minuta kontra t-tim ta’ Napoli.

Acerbi ilu jkun mgħajjat mal-ewwel ħdax sa minn Ottubru tas-sena 2015. Dak iż-żmien kien jilgħab mat-tim ta’ Sassuolo, u fil-bidu ta’ dan l-istaġun huwa ngħaqad mat-tim ta’ Lazio fejn kompla fejn kien ħalla u baqa’ jkun mgħajjat fil-lista tal-plejers li jibdew il-logħba kontinwament. Barra minn hekk, fil-148 logħba ta’ qabel, Acerbi qatt ma kien sostitwit, tragward importanti meta tqis li l-plejer għandu 30 sena. Biss, fil-logħba tal-bieraħ, is-sitwazzjoni kienet differenti għax malli fis-70 minuta għamel il-foul fuq Callejon, l-eżitu kien wieħed, it-tieni karta safra u ħamra u allura kellu jmur jinħasel fid-dressing room qabel sħabu.

Francesco Acerbi issa ser ikun sospiż għal-logħba li Lazio ser jilagħbu kontra Juventus fl-Olimpico, bil-kowċ Simone Inzaghi jisħaq li Acerbi qatt ma kellu jitkeċċa mill-grawnd.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Marcelo Brozovic, il-plejer Kroat ta’ Inter, kellu l-liċenzja tas-sewqan irtirata wara baqa’ għaddej minn fuq it-traffic lights meta kienu mixgħula fuq l-aħmar. L-aħbar ħarġet fil-media Taljana. Brozovic twaqqaf mill-Pulizija fiż-żona…

Futbol internazzjonali

Il-partitarji Spanjoli fakru l-10 anniversarji mir-rebħ tat-Tazza tad-Dinja fl-2010 fl-Afrika t’Isfel bi stiel differenti mis-soltu, b’ħafna tatoss ma’ ġisimhom u lebsien maskri protettivi kontra l-coronavirus. It-Tazza tad-Dinja li nħarġet għall-wiri…

Futbol lokali

Il-plejer internazzjonali ta’ Malta tat-tim tan-nisa Emma Louise Lipman ingħaqdet mal-klabb Taljan ta’ Lazio. Lipman iffirmat kuntratt ta’ sena, b’opzjoni li jiġġġedded. Lipman twieldet fl-Ingilterra iżda għanda dixxendenza Maltija u…

Futbol internazzjonali

Norwich City saru l-ewwel tim tal-Premier League Ingliż li ġie relegat wara li lbieraħ tilfu f’darhom kontra West Ham bi skor ta’ 4-0. Il-gowls tal-Hammers waslu kollha minn Michail Antonio….

Aktar