International Sports
Ir-Russja sospiża minn kull avveniment sportiv għal erba’ snin li ġejjin

L-Aġenzija Dinjija kontra d-Doping, WADA, ipprojbiet lir-Russja milli tieħu sehem f’kull avveniment sportiv dinji għal erba’ snin li gejjin.

Dan ifisser li r-Russja mhix se tieħu sehem fl-Olimpijadi tal-2020 f’Tokyo u fit-Tazza tad-Dinja tal-2022 fil-Qatar.

Wada qalet li madankollu, atleti li mhumiex imċappsa mill-iskandlu tad-doping jistgħu jikkompetu taħt bandiera newtrali.

Id-deċiżjoni ttieħdet mill-Aġenzija kontra d-doping waqt laqgħa tal-kumitat eżekuttiv f’Lausanne fl-Isvizzera.

Dan kollu qed iseħħ wara li l-Aġenzija Russa ta’ Kontra d-Doping, Rusada, instabet li immanipulat informazzjoni maħruġa minn laboratorju f’Jannar ta’ din is-sena.

Il-WADA qalet li Rusada għandha 21 ġurnata biex tappella din id-deċiżjoni. Il-President tal-Wada, Sir Craig Reedie qal li din id-deċiżjoni turi d-determinazzjoni tal-aġenzija li tieħu azzjoni konkreta kontra l-kriżi tad-doping fir-Russja.

Miktub minn...
TVM Sport
Aħbarijiet Oħra
International Sports

Hekk kif fadal biss sitt xhur għall-bidu tal-logħob Olimpiku f’Tokyo, il-Prim Ministru Ġappuniż Shinzo Abe tkellem fil-parlament dwar dan l-avveniment tant mistenni mill-poplu tal-pajjiż u fakkar li l-aħħar darba li…

International Sports

Is-sewwieq mill-Arġentina Orlando Terranova jinsab fuq quddiem wara t-tieni stadju fir-rally tad-Dakar li qed issir fl-Arabja Sawdija filwaqt li l-ex sewwieq tal-Formula 1 Fernando Alonso kellu inċident bit-toyota tiegħu meta…

Ibburdjar

Il-Mapfre Middlesea Euromed Regatta, ospitata mill-Malta Young Sailors Club taħt l-aswpiċji tal-Malta Sailing Federation ġiet fi tmiema l-Ħadd wara nofshinar meta saru l-aħħar tlielaq tal-Kampjonat ġewwa il-bajja tal-Mellieħa.  L-Uffiċjal tat-Tellieqa…

Aktar