Waterpolo
Irridu nħarsu ‘l quddiem u nkunu pożittivi għall-kumplament ta’ dan il-kampjonat’ – Joe Caruana Curran

L-Għada tat-telfa fl-ewwel logħba minn Grupp B tal-kampjonat Ewropew tal-LEN 2018, it-team Nazzjonali Malti kellu sessjoni ta’ taħriġ fil-Piscines Sant Jordi waħda mill-Pixxini li qed jintużaw għat-taħriġ mis-sittax -il team tal-irġiel li qed jikkompetu f’dan il-kampjonat li jsir kull sentejn.

It-telfa kbira ta’ 21-4 kontra Spanja ħalliet diżappunt anke fuq wiċċ il-players Maltin li fis-sessjoni ta’ filgħodu kienu għadhom qed jirkupraw fiżikament u anke mentalment minn dan il-bidu diffiċli fl-ewwel logħba f’Barcelona.

Fi kliem il-Presidnet tal-ASA Joe Caruana Curran din it-telfa kienet mistennija fejn qal li wieħed irid jitgħallem ħafna minn dawn il-logħbiet kontra teams ta’ klassi mondjali bħal Spanja li qed jitqiesu wieħed mill-favoriti li jgħollu x-xettru ta’ Champions Ewropej l-ġimgħa d-dieħla.

Diżappuntat anke Jerome Gabaretta li skorja l-vantaġġ kmieni fil-logħba mis-centre li kien qed jagħmel ir-ritorn tiegħu man-Nazzjonal wara li kien tilef iż-żewġ logħbiet tal-playoff għall-kwalifikazzjoni kontra l-Belarus.

Il-players huma mistennija li jaraw xi siltiet mil-logħba kontra Spanja flimkien u ssir l-analiżi mal-kowċ Izzo.

L-Erbgħa issa t-tieni logħba kontra l-aħjar team fid-Dinja fil-waterpolo l-Montenegro li din is-sena diġa’ rebħu l-World League. Il-Montenegro b’diversi players familjari mal-waterpolo Malti fl-ewwel logħba tagħhom batew sabiex rebħu kontra Franza bl-iskor ta’ 8-6. Nittamaw li Alexander Ivovic u sħabu ma jkasbruniex.

Malta – Montenegro l-Erbgha fil-5pm b’xandira diretta fuq TVM2.

Miktub minn...
TVM Sport
.
Aħbarijiet Oħra
Waterpolo

Il-Kampjonat BOV tal-Water Polo tax-Xitwa 2019 se jibda fit-22 ta’ Marzu b’sitt timijiet jikkompetu fil-BOV Premier Division u 5 timijiet li jikkompetu għat-titlu tal-Ewwel Diviżjoni. Il-poloz ittellgħu waqt konferenza tal-aħbarijiet…

Waterpolo

It-team nazzjonali Malti tal-Waterpolo illum se jkun impenjat f’logħba oħra tar-rawnd Preliminari tal-World League tal-FINA kontra l-Ġermanja. Mil-logħbiet preċedenti Malta tilfet il-logħbiet kollha b’dawn l-iskors: 18-5 kontra r-Russja, 23-9 kontra l-Ġermanja,…

Waterpolo

Dik li lbieraħ kellha tkun logħba waterpolo mill-Kampjonat Super League fir-Russja bejn Sintez Kazan u Spartak Volgograd, intemmet fi ġlieda boxing ‘free for all’ u farsa sħiħa għal dawk l-ispettaturi…

Waterpolo

Waterpolo: Illum it-tieni round tal-Kompetizzjoni Enemed Cup 2019. Sirens 14 – Exiles 5. Sessjonijiet kollha favur it-team minn San Pawl il-Baħar 4-0, 3-0, 2-2 u 5-3. Fit-Tieni logħba Sliema rebħa…

Aktar