Futbol lokali
FILMAT – FA Trophy: Is-Sostituti ta’ Senglea jagħmlu d-differenza fir-rebħa fuq Gżira Utd

FA TROPHY 2029/20

It-Tielet round

Gżira Utd…….1

Senglea A…….2

Senglea Athletic fir-raba’ round tal-FA Trophy meta s-sostituti Jan Tanti u Leighton Grech għamlu d-differenza meta daħlu fit-tieni taqsima għax permezz tal-gowl tagħhom dawru r-riżultat biex xejnu l-gowl ta’ Zachary Scerri u l-Isla għaddew għar-raba round tat-Trophy, bi Gżira jinqalgħu daqstant kmieni mill-kompetizzjoni.

L-ewwel azzjoni waslet minn Gżira bix-xutt ta’ De Assis imiss mal-mimduda u jibqa’ sejjer barra. Fil-35 minuta l-lasta reġgħet kienet protagonista din id-darba fuq in-naħa l-oħra meta mill-cross ta’ Dias, Micallef bir-ras ra l-ballun jaħbat mal-mimduda u jmur barra.

Gżira UTD fetħu l-iskor mat-58 minuta meta Zachary Scerri ttanta xutt mid-distanza li bih għeleb lil Farrugia għal 1-0. Fl-74 minuta Senglea ġabu d-draw meta Dias tefa’ cross lejn Jan Tanti li minn qagħda angolata tefa’ l-ballun fix-xibka għal 1-1. Fid-79 minuta Gżira ħasbu li marru fil-vantaġġ għal darb’oħra meta x-xutt ta’ De Assis deher destinat għal ġewwa imma l-ballun ħabat mal-wieqfa. Fuq in-naħa l-oħra, tliet minuti wara kien Grech li prova xutt lejn il-lasti ta’ Haber iżda l-ballun kien imdawwar f’corner. Fit-83 minuta Leighton Grech ma żbaljax għax din id-darba x-xutt tiegħu għeleb lil Haber u spiċċa fir-rokna tax-xibka biex sostitut ieħor skorja għal Senglea Athletic.

Riżultat finali: Gżira Utd 1 Senglea A. 2

Referee: Matthew Degabriele

Gżira Utd: Justin Haber (GK), Fernando Barbosa, Gianmarco Conti, Zachary Scerri, Rodolfo Soares, Andrew Cohen (c), Clifford Gatt Baldacchino, Hamed Kone, Arthur Oyama, Martin Davis, Jefferson De Assis

Senglea A.: Matthew Farrugia (GK)(c), Sigitas Olberkis, Dejan Debono, Elvis Sakyi, Manolito Micallef (Jan Tanti 60’), Gonzalo Nicolas Virano (Leighton Grech 72’), Taisei Marukawa (Karl Pulo 86’), Jose Wilkson Texieira, Sean Cipriott, Mirko Todorovic, Marcelo Mariano Dias

Miktub minn...
robert busuttil
Ġurnalist ta' TVM Sport. Isegwi l-Isport lokali u internazzjonali. JIkkumenta l-logħob tal-kampjonat Premier. Jippreżenta programm sportiv fuq radju tal-komunita'.
Aħbarijiet Oħra
Futbol lokali

F’kitba li tella’ fuq il-profil tiegħu ta’ facebook ftit tal-ħin ilu, Paul Zammit, ħabbar li m’għadux kowċ ta’ Gżira United. Zammit qal li wara diskussjonijiet mal-President Sharlon Pace, intlaħaq qbil…

Futbol lokali

L-ex plejer nazzjonali Noel Turner inħatar Direttur Tekniku tal-Youths ta’ Sliema Wanderers FC. Turner hu ex plejer u captain ta’ Sliema Wanderers FC li magħhom rebaħ kull unur possibbli fil-futbol…

Futbol lokali

Illejla l-MFA u l-President Bjorn Vassallo taw l-ewwel reazzjoni tagħhom wara l-Kunsill tat-Tnejn li għadda fejn fih ittieħdu l-voti dwar l-eżitiċi finali tal-klassifiċi. F’konferenza stampa ta’ aktar minn siegħa li…

Futbol lokali

Bjorn Vassallo, il-President tal-Malta Football Association, se jkun qed jitkellem f’konferenza tal-aħbarijiet, illum fus-19.00. Il-konferenza se tixxandar diretta fuq TVM2. Il-President tal-MFA se jkun qed jitkellem għall-ewwel darba minn wara…

Aktar