Futbol internazzjonali
Isir il-funeral ta’ Christian Esmerio, il-goalkeeper ta’ 15-il sena

Fi Flamengo, il-Brażil, sar il-funeral taż-żagħżugħ Christian Esmerio li kien wieħed mill-vittmi ta’ dak li seħħ nhar il-Ġimgħa li għadda. Esmerio ta’ 15-il sena kien jinsab rieqed fiċ-ċentru tat-taħriġ tat-tim tal-Flamengo meta beda nar minn apparat tal-arja kkundizzjonata li malajr infirex ma’ dan iċ-ċentru kollu u ħalla għaxar żgħażagħ mejta u tlieta midruba gravi.

Fil-funeral kien hemm emozzjonijiet imħallta, b’diversi jċapċpu u oħrajn ikantaw l-innu tat-tim tal-Flamengo waqt li kienet qiegħda ssir id-difna fiċ-ċimiterju ta’ Rio de Janeiro.

Din il-mewt traġika kompliet tikkonferma kemm dawn iż-żgħażagħ jagħmlu sagrifiċċji sabiex fl-aħħar jirnexxilhom jaslu fejn jixtiequ, għax għalkemm il-Brażil bħala pajjiż jipproduċi diversi plejers kbar u ta’ fama mondjali, il-kundizzjonijiet li jkunu fihom sakemm jilħqu ċertu livell mhumiex rakkomandabbli.

Il-ġuvintur, li kollha kellhom bejn l-14 u s-16-il sena, kienu qegħdin jgħixu f’kundizzjonijiet miżeri, bla miżuri adattati ta’ sigurtà u bla ebda taħriġ għal meta jista’ jinqala’ xi ħaġa.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

Missier Neymar Jr xejjen kull spekulazzjoni li ibnu jista’ jerġa’ jingħaqad mat-tim ta’ Barcelona fi Spanja u ċaħad li sar xi kuntatt mat-tim Katalan dwar possibilment trasferiment fis-sajf li ġej….

Futbol internazzjonali

Fis-San Paolo, Napoli fallew milli għallinqas iżommu l-istakk distakk li għandhom taħt Juventus meta spiċċaw dro mat-Torino bl-iskor ta’ 0-0. F’logħba pjuttost nervuża u kkaratteriżata minn tmien karti sofor, iċ-Ċelesti…

Futbol internazzjonali

Il-leġġenda Sir Alex Ferguson ser jerġa’ jkun fuq il-bank imexxi lit-tim ta’ Manchester United għal darb’oħra, fl-20 anniversarju minn meta r-Red Devils kienu rebħu l-finali drammatika tal-UEFA Champions League kontra…

Futbol internazzjonali

Mill-FA Cup fl-Ingilterra, fil-ħames round li qiegħed jintlagħab fi tmiem din il-ġimgħa, ilbieraħ kellna tliet timijiet oħra li għaddew għall-fażi li jmiss ta’ din il-kompetizzjoni. Brighton 2 Derby 1 Fl-ewwel…

Aktar