Futbol internazzjonali
It-Tazza tan-Nazzjonijiet Afrikani ser terġa’ ssir f’Jannar u Frar fl-2021

It-Tazza tan-Nazzjonijiet Afrikani ser terġa’ ssir f’Jannar u Frar fl-edizzjoni li jmiss tal-2021. Dan tħabbar mill-Federazzjoni tal-Futbol tal-Kamerun li permezz ta’ Twitter ħabbru li t-Tazza tan-Nazzjonijiet Afrikani ser issir bejn id-9 ta’ Jannar u s-6 ta’ Frar 2021. Jidher li kien il-pajjiż ospitu li talab li l-kompetizzjoni tintlagħab f’dawn ix-xahrejn minħabba l-klima tal-pajjiż.

Is-sena li għaddiet, it-Tazza tan-Nazzjonijiet Afrikani kienet intlabet fl-Eġittu bejn Ġunju u Lulju, imma l-Federazzjoni tal-Futbol tal-Kamerun qalet li jekk il-logħob jintlagħab fis-sajf fil-Kamerun, tkun impossibbli għall-plejers li jilagħbu logħba sħiħa.

Diversi timijiet Ewropej diġa’ wrew id-diżapprovazzjoni tagħhom dwar din id-deċiżjoni minħabba li għandhom diversi plejers Afrikani fl-iskwadri rispettivi u li allura jħallu xahar sħiħ lill-klabbs biex jilagħbu fit-Tazza tan-Nazzjonijiet Afrikani.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA