It-team nazzjonali ta’ taħt il-21 sena fl-Albanija
Żewġ partiti ta' ħbiberija għaż-żgħażagħ ta' Silvio Vella

Jibda ċiklu ġdid għat-team nazzjonali Malti tal-football ta’ taħt il-21 sena b’żewġ partiti ta’ ħbiberija fl-Albanija: waħda għada u oħra t-Tnejn.

Għal ħafna players li kienu jagħmlu parti mill-iskwadra taħt it-tmexxija tal-coach Silvio Vella, id-draw ta’ 1-1 ix-xahar li għadda kontra Ċipru fil-grupp ta’ kwalifikazzjoni għall-kampjonat Ewropew, kien l-aħħar preżenza fil-kategorija ta’ taħt il-21 sena: b’uħud ma jibqgħux eliġibbli minħabba l-età, u oħrajn promossi għal mat-team nazzjonali tal-kbar.

Għal dawk li baqa’, u għall-uċuħ ġodda fl-iskwadra sperimentali t’għoxrin player imsejħa minn Vella, l-esperjenza fl-Albanija se tkun il-bidu ta’ triq li twassal għal kampanja oħra ta’ kwalifikazzjoni għall-kampjonat UEFA Euro Under 21 tal-2021. Il-poloz tal-gruppi preliminari jitilgħu f’Diċembru.

Iż-żgħażagħ Maltin jiffaċċjaw lill-Albaniżi ta’ taħt il-21 sena f’Durres għada, qabel it-tieni partita ta’ ħbiberija fi Shkoder nhar it-Tnejn.

 

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra
Futbol internazzjonali

Il-midfielder ta’ Arsenal Henrikh Mkhitaryan, mhux se jivjaġġa lejn l-Ażerbajġan għall-finali tal-UEFA Europa League kontra Chelsea. Il-partita se tintlagħab f’Baku u l-klabb ta’ Londra ddeċieda li jieħu din id-deċiżjoni fuq…

Motorsport

Id-dilettanti tal-motorsport, b’mod speċjali dawk kollha dilettanti tal-Hillclimb huma preparati biex fi tmiem il-Ġimgħa jaqsmu lejn Għawdex biex isegwu it-tielet round tal-kampjonat Enemed Hillclimb Championship li qiegħed jiġi organizzat mill-Island…

Table Football

Il-Ħadd li għadda l-Malta Table Football Sports Assoociation organizza t-tieni l-akbar kompetizjoni nazzjonali, dik fejn issir il-kompetizzjoni ‘knock-out’ u tal-kategoriji. In-knock-out intrebaħ minn Samuel Bartolo bl-iskor ta’ 2-0 kontra John…

Aktar