Futbol lokali
It-tim nazzjonali Malti b’ġest ta’ kuraġġ lejn Jurgen Degabriele: “Kien se jkun parti importanti mit-tim għall-partiti li ġejjin” – Ray Farrugia, kowċ nazzjonali

Il-plejers u membri tal-istaff tekniku tat-tim nazzjonali Malti tal-futbol, dalgħodu għamlu ġest ta’ kuraġġ għal Jurgen Degabriele, l-attakkant ta’ Hibernians FC li weġġa’ fil-partita tas-Sibt li għadda mill-Kampjonat BOV Premier kontra St Andrews.

Kull Erbgħa filgħodu, it-tim nazzjonali jiltaqa’ fil-gym tal-Malta Football Association, biex jagħmel sessjoni ta’ taħriġ. Degabriele dejjem kien ikun preżenti u dan inħass sew mill-kollegi tiegħu li f’ritratt li tellgħu fuq il-media soċjali, bagħtu tislija lill-plejer u awgurawlu fejqan u ritorn fil-logħba, malajr kemm jista’ jkun.

Ikkuntattjat minn TVM Sport, il-kowċ nazzjonali Malti Ray Farrugia, wera dispjaċir kbir għal dak li għadda u li għaddej minnu l-plejer.

“Jien plejer kont u naf kemm f’mumenti bħal dawn, il-kuraġġ hu importanti ħafna. Ma tkunx trid min idejqek iżda fl-istess ħin, tibda tapprezza min jagħmel kuntatt miegħek biex jara kif int.

“Illum għamilna ġest importanti lejn Jurgen. Affarijiet żgħar hekk jistgħu jagħmlu differenza kbira lill-plejer tal-futbol,” qal Farrugia.

Mistoqsi minn TVM Sport jekk Jurgen Degabriele kienx se jkun parti mit-tim nazzjonali għall-partiti li ġejjien, Farrugia qal: “Assolutament. Dan kien il-mument perfett tal-plejer biex ikun parti importanti mit-tim fil-partiti li ġejjien,” qal il-kowċ nazzjonali.

Jurgen Degabriele weġġa’ waħdu fil-partita tas-Sibt li għadda li ntlagħbet fis-Centenary Stadium, f’Ta’ Qali u li Hibernians rebħu kontra St Andrews bi skor ta’ 2-1. Fl-inċident, Degabriele deher jipprova jdur mingħajr ballun iżda saqajh baqgħet imwaħħla mal-art.

Esperti mediċi li tkellmu ma’ TVM Sport fil-jiem li għaddew, ikkonfermaw li ċerti injuries jistgħu jiġru fuq kull plejer iżda r-riskju li jiġru fuq art iebsa u mhux imxarrba huma ħafna aktar minn meta plejer jilgħab fuq pitch li jkun jiżloq.

TVM Sport għamel kuntatt ukoll ma’ Jurgen Degabriele li min-naħa tiegħu apprezza ħafna dan il-ġest mingħand il-kollegi tiegħu.

“Affarijiet sbieħ u apprezzajt ħafna. Kull nhar ta’ Erbgħa kont inkun magħhom dejjem. Issa ma nistax. M’hemmx x’tagħmel. Ikolli nistenna sa meta nerġa’ nkun tajjeb għat-taħriġ u biex nilgħab. Nirringrazzjahom kollha,” qal il-plejer ta’ Hibernians FC.

TVM Sport jinsab infurmat li Jurgen Degabriele se jagħmel it-test tal-MRI illum fl-16.00. Minn dan it-test se joħroġ eżattament x’tip ta’ injury għandu u kemm possibbilment se jdum biex jirkupra.

Hibernians FC mistennija jibgħatu lill-plejer f’Ruma, fl-Italja, fil-jiem li ġejjien biex ikun operat.

Miktub minn...
TVM Sport
Aħbarijiet Oħra
Futbol lokali

Illum tkomplu u tlesta l-MFA Symposium li kien organizzat f’Dar il-Mediterran fil-Belt Valletta. Dan is-symposium wassal tagħrif ta’ opportunitajiet fid-dinja diġitali tal-lum. Is-Symposium fetaħ b’diskors tal-President tal-MFA Norman Darmanin Demajo…

Futbol lokali

Darren Abdilla hu l-kowċ il-ġdid ta’ Valletta FC. Hu ffirma kuntratt li se jorbtu mal-klabb sal-istaġun 2021/2022. L-aħbar saret uffiċjali ilbieraħ filgħaxija. Abdilla kien strumentali biex Gżira United FC għamlu…

Futbol lokali

Bob Higgins, l-ex Youth Development Officer tal-Malta Football Association, instab ħati fuq 45 kap ta’ akkuża ta’ abbuż sesswali fuq 23 tifel. Higgins kien ingħata din il-kariga fl-MFA f’Lulju tal-1989…

Futbol lokali

Manuele Blasi, l-ex plejer tas-Serie u tat-tim nazzjonali Taljan, mil-lum sar il-kowċ ta’ Hamrun Spartans FC. Blasi se jkun qed jibdel lil Giovanni Tedesco li ħalla l-kariga tiegħu biex ingħaqad…

Aktar