Futbol internazzjonali
It-Tipsport Malta Cup Tournament fl-Istadium Nazzjonali minn għada
Jikkompetu tliet timijiet mir-Repubblika Ċeka u wieħed mis-Slovakkja

Iċ-champions tax-xitwa tas-Slovakkja u tliet timijiet mir-Repubblika Ċeka jinsabu Malta biex jilagħbu tournament kwadrangulari għat-Tipsport Malta Cup.

Is-Slovakki ta’ Slovan Bratislava: u Mlada Boleslav, bħalissa fl-għaxar post fis-Superliga Ċeka, flimkien ma’ Zbrojovka Brno u MAS Taborsko mit-Tieni Diviżjoni fir-Repubblika Ċeka, illejla kellhom l-ewwel taħriġ fit-Training Grounds tal-MFA Ta’ Qali, qabel jagħtu l-kick-off għat-tournament għada filgħodu.

It-tournament huwa inizjattiva oħra tal-kumpanija MFA SportsPlus, b’kollaborazzjoni mal-aġenzija Ċeka tal-betting Tipsport. L-erba’ timijiet qed japprofittaw mill-waqfa tal-kampjonati għax-xitwa f’pajjiżhom u jieħdu l-okkażjoni għal kamp qasir ta’ taħriġ fil-klima ferm aktar favorevoli ta’ Malta.

It-Tipsport Malta Cup tiftaħ biż-żewġ semifinali Brno kontra Taborsko, u Boleslav kontra Bratislava, għada fl-Istadium Nazzjonali: bir-rebbieħa jikkontestaw il-finali nhar it-Tnejn wara li t-telliefa jilagħbu għat-tielet post.

Il-partiti kollha se jintwerew diretti fir-Repubblika Ċeka u fis-Slovakkja.

L-Erbgħa u l-Ħamis filgħaxija mbagħad l-erba’ timijiet se jkunu mpenjati f’partiti ta’ ħbiberija ma’ Hibernians, Floriana, Balzan, u Gżira Utd, dejjem fl-Istadium Nazzjonali.

Programm Tipsport Malta Cup

Is-Sibt – Stadium Nazzjonali

11:00 FC Zbrojovka Brno – FK MAS Taborsko

13:30 FK Mladá Boleslav – SK Slovan Bratislava

It-Tnejn – Stadium Nazzjonali

11:00 Partita għat-3 Post

13:30 Finali

 

Partiti ta’ ħbiberija

L-Erbgħa – Stadium Nazzjonali

18:00 FC Zbrojovka Brno – Hibernians

20:00 FK MAS Taborsko – Floriana

Il-Ħamis – Stadium Nazzjonali

18:00 FK Mladá Boleslav – Balzan

20:00 SK Slovan Bratislava – Gżira Utd

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra
Futbol internazzjonali

Riżultati Serie A it-33 ġurnata: Parma 1 – 1 Milan Bologna 3 – 0 Sampdoria Cagliari 1 – 0 Frosinone Empoli 2 – 4 SPAL Genoa 0 – 1 Torino…

Futbol internazzjonali

Football Internazzjonali: Mill-Premier League Ingliż Manchester City jirbħu 1-0 kontra t-team li eliminhom mill-UEFA Champions League: Tottenham Hotspur. Fl-Etihad Stadium kien Philip Foden li beda l-logħba mal-ewwel ħdax li skorja…

Futbol internazzjonali

Illejla, Juventus jistgħu jsiru ċampjins fl-Italja għat-tmien staġun konsekuttiv meta fl-Allianz Stadium jilqgħu lill-Fiorentina. Dan ser ikun il-35 Scudetto li l-bianconeri ser ikunu rebħu fl-istorja tagħhom, u wara t-telfa kontra…

Futbol internazzjonali

Chelsea, Arsenal, Valencia u Eintracht Frankfurt huma t-timijiet li se jkunu qed jilagħbu fis-semifinali tal-UEFA Europa League. Fil-partiti mit-tieni legs tal-kwarti tal-finali, huma rnexxielhom jikkwalifikaw għall-ispejjeż ta’ Sparta Prague, Napoli,…

Aktar