Ix-xahar li ġej jista’ jkollna rekord ġdid ta’ veloċità permezz ta’ Tuk Tuk

Li tipprova ssib tarf fit-traffiku ta’ Londra f’ġurnata bix-xita diġa’ hija missjoni pjuttost diffiċli, aħseb u ara li tipprova twaqqaf rekord ta’ veloċità permezz ta’ Tuk Tuk. Dan huwa dak li qiegħed jipprova jagħmel Matt Everard, li fil-ġimgħat li ġejjin ser ikollu l-aktar Tuk Tuk veloċi fid-dinja. Fl-aħħar ħames xhur, Everard nefaq aktar minn €23,000 biex irranġa Tuk Tuk li ġab mit-Tajlandja permezz t’eBay. Aktar minn hekk, huwa qed jippjana li x-xahar id-dieħel itellaq bih fl-ajruport ta’ Yorkshire, bit-tama li jtella’ veloċità t’aktar minn 160 kilometru fis-siegħa.

Sal-lum il-ġurnata, ir-rekord l-aktar veloċi ta’ Tuk Tuk huwa ta’ 109.5 kilometri fis-siegħa, imma Everard qiegħed jisħaq li bi ftit tibdil tekniku, kif ukoll jekk hu jnaqqas mill-piż, jirnexxielu mhux biss jikser dan ir-rekord imma jasal anke sa 160 kilometru fis-siegħa. Sabiex jikser ir-rekord, Everard ma jistax ikun waħdu fit-Tuk Tuk, imma diġa’ għażel lil kuġinuh Russell Shearman sabiex jgħinu jilħaq l-għan tiegħu.

It-Tuk Tuk ta’ Matt Everard kien manifatturat fl-1971, u l-Ingliż bidillu l-magna two-stroke 350cc, u minflok poġġielu magna Daihatsu 130cc fuel-injected. Din il-magna tista’ tlaħħaq mill-għallinqas 145 kilometru fis-siegħa. L-idea t’Everard mhijiex biss li jikser ir-rekord, imma li permezz t’hekk jiġbor fondi għall-karità, bil-flus ser imorru għall-proġett li ser jiswa madwar €21 miljun sabiex jinbena Ospizju ġdid f’Essex.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Fil-partita li ntlagħbet kmieni llum, Arsenal għelbu lil Burnley bi skor ta’ 2-1. Lacazette fetaħ l-iskor fit-13-il minuta u Barnes ġab il-gowl tad-draw żewġ minuti qabel tmiem l-ewwel taqsima. Il-Gunners…

Futbol lokali

Sliema Wanderers ħabbru li akkwistaw lill-plejer mill-Arġentina Juan Cruz Gill. Id-difensur, li għandu wkoll ċittadinanza Taljana, lagħab f’pajjiżna ma’ Valletta u Tarxien Rainbows. Fil-passat, Crus Gill lagħab fil-Premier Division fl-Arġentina…

Futbol lokali

Federico Falcone, l-ex plejer ta’ Valletta FC, mil-lum sar plejer ta’ Birkirkara. Falcone ffirma kuntratt ta’ sentejn. B’dan l-akkwist, Birkirkara se jkomplu jsaħħu l-iskwadra fit-tentattiv li jirbħu l-kampjonat fl-istaġun li…

Futbol internazzjonali

Mario Balotelli, l-attakkant kontroversjali Taljan, se jsir plejer ta’ Brescia fis-sigħat li ġejjin. Jidher li matul il-lejl li għadda, sar ftehim bejn il-President Massimo Cellino u l-aġent tal-plejer Mino Raiola…

Aktar