Futbol internazzjonali
UEFA Nations League: It-team nazzjonali llum jitlaq għal konfront doppju fil-Kosovo u l-Ażerbajġan

Ilbieraħ f’Ta’ Qali saret l-aħħar sessjoni ta’ taħriġ għat-team nazzjonali Malti qabel illum jitlaq lejn Pristina għall-ewwel minn żewġ konfronti away fi Grupp D3 tal-UEFA Nations League. Nhar il-Ħamis Malta tiffaċċja lill-Kosovo: qabel l-iskwadra tmur Baku biex il-Ħadd tilgħab kontra l-Ażerbajġan. S’issa Malta kisbet punt wieħed minn żewġ partiti f’din il-kompetizzjoni ġdida tal-UEFA li tqassam in-nazzjonijiet f’diviżjonijiet u gruppi skont ir-ranking tagħhom: minn draw ta’ 1-1 f’Ta’ Qali mal-Ażerbajġan: wara telfa ta’ 3-1 fid-debutt away ukoll kontra l-Gżejjer Faroe. Il-coach Ray Farrugia jaf li se jkun impenn doppju diffiċli, partikolarment kontra l-Kosovo li huma entità ġdida fil-football internazzjonali.

Għall-partita kontra l-Kosovo Farrugia se jkollu jgħaddi mingħajr Joseph Zerafa, sospiż, li b’danakollu mbagħad ikun disponibbli għal kontra l-Ażerbajġan. Neqsin ukoll iż-żewġ players ibbażati barra: Zach Muscat, imweġġa’, u Luke Gambin, li wera x-xewqa li jitħalla barra mill-iskwadra biex jissetilja mal-club ġdid tiegħu fl-Ingilterra. Kosovo – Malta nhar il-Ħamis fid-20:45, u Ażerbajġan – Malta l-Ħadd fis-18:00, se jkunu t-tnejn diretti fuq TVM2.

Miktub minn...
TVM Sport
.
Aħbarijiet Oħra
Futbol internazzjonali

Gianluigi Buffon, l-ex goalkeeper ta’ Juventus u tat-tim nazzjonali Taljan, fil-jiem li ġejjin jista’ jirritorna f’daru, maċ-champions Taljani. Din l-aħbar ikkonfermaha SIlvano Martina, l-aġent ta’ Buffon li mal-istazzjonijiet Taljani ta’…

Futbol internazzjonali

Il-midfielder Spanjol ta’ Manchester City David Silva qal li se jkun qed iħalli liċ-Champions Ingliżi fl-aħħar tal-istaġun li ġej. Mistoqsi direttament mill-ġurnalisti Ingliżi jekk hux se jkun qed ikompli jilgħab…

Futbol internazzjonali

Kulħadd jaf li l-Urugwajan Luis Suarez jitqatel waqt logħba futbol. Jagħmel minn kollox biex jiskurja, u jekk kemm-il darba ma jirnexxilux isib ix-xibka, jipprova kull tip ta’ manuvra sabiex b’xi…

Futbol internazzjonali

Italja 2  Ċina 0 Gowl f’kull taqsima kienu d-differenza bejn l-Italja u ċ-Ċina, b’tal-ewwel jgħaddu għall-kwartifinali tat-Tazza tad-Dinja tan-Nisa. L-Italja fil-vantaġġ wara kwarta meta Giacinti fetħet l-iskor, u Galli rduppjat…

Aktar