Futbol internazzjonali
Iż-żgħażagħ Maltin tal-U19 b’wirja qalbiena kontra l-Belġju fi dro ta’ 1-1

Belġju…..1

Malta……1

It-Tim Nazzjonali Malti tal-U19, f’wirja qalbiena, irnexxielu jieħu punt kontra l-qawwa tal-Belġju, meta fis-Centenary Stadium ir-riżultat finali kien dak ta’ 1-1. Din kienet it-tieni logħba għal pajjiżna fit-tournament li fih Malta ħarġet telliefa fl-ewwel logħba kontra Franza, imma s-Sibt, il-plejers tal-kowċ Winston Muscat reġgħu kienu ddixplinati ħafna, b’mod speċjali fid-difiża.

Kienu l-Maltin li marru fil-vantaġġ mal-11-il minuta. Kien il-cross ta’ Satariano mix-xellug, id-difensur Brendan Schoonbaert prova jikklerja imma spiċċa tefa’ fix-xibka tiegħu stess għal 1-0. Il-Belġju kellhom ċans li jġibu d-dro 4 minuti wara meta Sylla waqqa’ lil Kargbo fil-kaxxa, bir-referee jsaffar għall-penalty, imma mill-11-il metru Baiye tefa’ barra. Eżatt qabel il-mistrieħ il-Belġju għamlu l-iskor indaqs meta din id-darba Schoonbaert skorja fil-lasta t-tajba, meta bir-ras tefa’ fix-xibka wara corner, bir-riżultat ikun 1-1.

Fit-tieni taqsima l-Maltin pruvaw ikunu avventurużi bil-kontrattakk, biss fuq id-difża l-goalkeeper sostitut Cain Formosa kellu jkun fl-aqwa tiegħu biex salva xi tentattivi tal-Belġjani li kienu destinati għal ġewwa.

Riżultat finali: Belġju 1  Malta 1

Referee: Duje Strukan (KRO)

Malta issa jmissha tilgħab l-aħħar logħba ta’ dan it-tournament nhar it-Tlieta li ġej kontra l-Litwanja, logħba li wkoll tintlagħab fis-Centenary Stadium.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

Il-midfielder ta’ Arsenal Henrikh Mkhitaryan, mhux se jivjaġġa lejn l-Ażerbajġan għall-finali tal-UEFA Europa League kontra Chelsea. Il-partita se tintlagħab f’Baku u l-klabb ta’ Londra ddeċieda li jieħu din id-deċiżjoni fuq…

Futbol internazzjonali

Ftit tal-jiem ilu ġie mniedi d-dokumentarju “Diego Maradona,” li jitfa’ dawl dwar il-ħajja ta’ dan l-istilla Arġentin mal-familja tiegħu u mal-plejers sħabu. Dan id-dokumentarju li kien imniedi f’Cannes nhar il-Ħadd…

Futbol internazzjonali

Lazio…….3 Bologna…3 Fl-Olimpico, Bologna ħadu d-draw li kellhom bżonn biex isalvaw dan l-istaġun meta ġew 3-3 kontra l-Lazio. Kienu Lazio li fetħu l-iskor mal-kwarta logħob permezz ta’ Correa u hekk…

Futbol internazzjonali

L-Eks midfielder internazzjonali Malti André Schembri, mistenni jħalli lil Apollon Limassolta’ Ċipru. Dan ikkonfermaħ il-player innifsu. Matul l-aħħar sentejn Schembri, f’Ċipru hu skurja 13-il gowl f’66 logħba. u lagħab ukoll fl-Europa…

Aktar