Futbol internazzjonali
James Milner jista’ jilgħab il-500 logħba tiegħu fil-Kampjonat Premier Ingliż għada

Il-midfielder ta’ Liverpool, James Milner, huwa mistenni li jilgħab il-500 logħba tiegħu fil-Kampjonat Premier Ingliż, meta għada Liverpool imorru għand Bournemouth. Jekk għada jkollu sehem fil-logħba, il-viċi captain ta’ Liverpool ikun wieħed minn 13-il plejer li s’issa rnexxilhom jilħqu t-tragward li jilagħbu 500 logħba jew aktar fil-Kampjonat Premier. Fl-età ta’ 32 sena u 338 ġurnata, Milner huwa t-tieni l-iżgħar plejer wara Gareth Barry li ser ikun laħaq il-500 logħba, u allura fadallu ftit staġuni oħra sabiex ikompli jtella’ dan it-total.

L-aħħar plejer li kien irnexxielu jilħaq il-500 logħba fil-Kampjonat Premier Ingliż kien l-eks-captain ta’ Liverpool, Steven Gerrard, f’April tal-2015, u sal-aħħar tal-istaġun b’kollox irnexxielu jilgħab 504 logħbiet, kollha mat-tim minn Merseyside.

Jekk jibda fil-logħba t’għada kontra Bournemouth, Milner ikun qiegħed jilgħab il-111-il logħba mat-tim ta’ Liverpool, wara li ngħaqad magħhom b’xejn mingħand Manchester City fl-2015. Ma’ Liverpool huwa skorja l-akbar ammont ta’ gowls fil-karriera tiegħu, 15 s’issa, tragward li m’għamlux mat-timijiet li kien qabel.

L-ewwel gowl għal Milner wasal mal-ħames logħba tiegħu fil-Kampjonat Premier Ingliż mat-tim ta’ Leeds United, meta dakinhar kellu 16-il sena u 357 ġurnata, biex huwa t-tieni l-iżgħar plejer li rnexxielu jsib ix-xibka wara James Vaughan. Huwa kompla l-karriera tiegħu mat-timijiet ta’ Newcastle United, Aston Villa, Manchester City u issa Liverpool.

It-tnax-il plejer li s’issa lagħbu 500 logħba jew aktar fil-Kampjonat Premier Ingliż huma:

Gareth Barry – 653 logħba
Ryan Giggs – 632 logħba
Frank Lampard – 609 logħbiet
David James – 572 logħba
Gary Speed – 535 logħba
Emile Heskey – 516-il logħba
Mark Schwarzer – 514-il logħba
Jamie Carragher – 508 logħbiet
Phil Neville – 505 logħbiet
Steven Gerrard – 504 logħbiet
Rio Ferdinand – 504 logħbiet
Sol Campbell – 503 logħbiet
Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Ilbieraħ intlagħbu diversi partiti minn madwar l-Ewropa mill-gruppi rispettivi tal-UEFA. Minn Grupp J, rebħa oħra konvinċenti għall-Italja kontra l-Greċja bi skor ta’ 2-0, li issa għaluhom seba’ rebħiet minn seba’…

Futbol internazzjonali

Malta….0 Żvezja…4   Tlettax minn tlettax għall-Iżvediżi kontra l-Maltin, wara li fl-Istadium Nazzjonali s-Sibt filgħaxija, Malta tilfet bl-iskor ta’ 4-0 kontra l-Iżvezja. Tlettax-il konfront li fihom l-Iżvediżi dejjem ħarġu rebbieħa…

Futbol internazzjonali

Il-plejer ta’ Barcelona u tal-Arġentina Lionel Messi attenda fiċ-Cirque du Soleil għal spettaklu dwar ħajtu bl-isem ta’ “Messi 10”. Dan l-ispettaklu kien dwar l-istorja ta’ ħajjet l-istilla Arġentina, minn meta…

Futbol lokali

Claudio Marchisio, l-ex plejer ta’ Juventus u tat-tim nazzjonali tal-Italja, jinsab f’Malta fuq stedina tal-Juventus Club Cuore Bianconero. U filwaqt li jinsab hawn biex jiltaqa’ mal-Juventini Maltin, ma naqasx milli…

Aktar