Olimpijadi TOKYO 2020
Jekk l-Olimpjadi ta’ Tokjo ma jsirux is-sena d-dieħla jkunu kkanċellati għal kollox

Jekk l-Olimpjadi ta’ Tokjo ma jsirux is-sena d-dieħla se jkunu kkanċellati għal kollox.

Dan qalu l-kap ta’ dawn il-Logħob Yoshiro Mori.

L-Olimpjadi ta’ Tokjo kellhom isiru fis-sajf li ġej iżda ġew posposti għas-sajf tas-sena d-dieħla minħabba l-pandemija tal-coronavirus.

Tokjo 2020 huma skedati li jsiru mit-23 ta’ Lulju sat-8 ta’ Awwissu tal-2021.

Madankollu, esperti fil-qasam tas-saħħa fil-Ġappun, qajmu d-dubji kemm dawn jistgħu jsiru jekk ma jilħaqx jinstab vaċċin jew kura medika kontra l-COVID-19.

Mistoqsi jekk tistax tinstab data oħra f’każ li l-Logħob ma jkunx jista’ jsir is-sena d-dieħla, Yoshiro Mori qal li “assolutament le.”

Miktub minn...
TVM Sport