Għaddej b’ritmu tajjeb ix-xogħol ta’ twaqqih tal-binjiet antiki madwar il-Pitch tal-waterpolo fil-Belt Valletta.

Il-Club Belti sentejn ilu kien ġie mgħoddi l-art fejn fiha hemm il-Pitch tal-waterpolo għal 49 sena minn SportMalta. Il-Club immexxi mill-President Victor Spiteri malli ġew approvati l-pjanti aġġustati u nħarġu l-permessi beda immedjatament ix-xogħol permezz ta’ kuntratturi privati li issa kważi lestew it-twittija u l-bażi għall-proġett innifsu.

Ftit jiem ilu beda t-twaqqih tad-dressing rooms l-antiki u anke qed isir xi xgħol fit-triq tal-madwar kif ukoll rinfurzar fuq naħa waħda tal-pitch.

Il-proġett hu stmat li se jlaħħaq iktar minn 7 miljun ewro u jekk jimxi kollox kif ippjanat ikun lest fi żmien sena. Il-Gvern sentejn ilu kien qal li l-proġett hu stamt ta’ €2.8 iżda se jiswa’ ferm iktar.