Olimpijadi TOKYO 2020
Jibdew id-diskussjonijiet dwar meta ser isiru l-Olimpjadi s-sena d-dieħla

Il-Kumitat Olimpiku Internazzjonali beda jiddiskuti mal-assoċjazzjonijiet u l-federazzjonijiet sportivi madwar id-dinja sabiex l-Olimpjadi jsiru bejn Lulju u Awwissu tas-sena li ġejja. Il-ħsieb tal-KOI hu li sax-xahar id-dieħel ikunu ġew deċiżi d-dati definittivi ta’ meta ser jibda u jispiċċa l-logħob olimpiku. Iċ-chair tal-Kumitat Olimpiku Awstraljan John Coates qal li l-Olimpjadi ser ikollhom isiru bejn iċ-Championship ta’ Wimbeldon u l-Open tal-Istati Uniti, jiġifieri xi mkien mill-11 ta’ Lulju sal-bidu ta’ Settembru tal-2021.

S’issa jidher li huma ħafna dawk li qed jagħtu l-ideat dwar meta għandhom isiru l-Olimpjadi, iżda huwa mistenni li fil-ġimgħat li ġejjin dawn joħorġu uffiċjalment sabiex kull assoċjazzjoni u federazzjoni sportiva tkun tista’ tipprepara sew lill-atleti tagħha għal-logħob olimpiku.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Sports Internazzjonali

Il-canoer Arġentin Sebastian Rossi kellu jsib mezz ġdid ta’ taħriġ f’nofs il-pandemija tal-Covid-19. Rossi, ta’ 28 sena, qiegħed jitħarreġ fil-pool tal-maħbuba tiegħu b’sistema differenti minn tas-soltu. Fejn qabel kien imur…

Olimpijadi TOKYO 2020

Jekk l-Olimpjadi ta’ Tokjo ma jsirux is-sena d-dieħla se jkunu kkanċellati għal kollox. Dan qalu l-kap ta’ dawn il-Logħob Yoshiro Mori. L-Olimpjadi ta’ Tokjo kellhom isiru fis-sajf li ġej iżda…

Futbol internazzjonali

Il-FIFA qiegħda tikkunsidra tgħolli l-età tal-plejers li se jipparteċipaw fl-Olimpjadi ta’ Tokjo tas-sena d-dieħla. Fil-preżent, fl-Olimpjadi, it-timijiet nazzjonali tal-futbol jistgħu jilagħbu plejers sal-età ta’ 23 sena iżda l-possibbiltà hi li…

Olimpijadi TOKYO 2020

L-olimpiku Will Claye għadu kif nieda video fuq YouTube bil-kanzunetta “Dreams Don’t Die.” L-idea żviluppat wara l-posponiment tal-Olimpjadi għas-sena d-dieħla. L-atleta Claye, li rebaħ midalja tal-fidda fl-Olimpjadi ta’ Rio fit-triple…

Aktar