Sports Internazzjonali
Jintefgħu biss żewġ nomini għall-Olimpjadi tax-Xitwa 2026

Illum intefgħu żewġ nomini, waħda ta’ Stokkolma u l-oħra konġunta bejn il-bliet ta’ Milan u Cortina D’Ampezzo sabiex jospitaw l-Olimpjadi tax-Xitwa 2026. Il-Kumitat Olimpiku Internazzjonali kważi għaddej minn kriżi wara li għall-ewwel darba, kienu biss żewġ nomini li ntefgħu sabiex jospitaw l-Olimpjadi, u minħabba f’hekk il-Kumitat iddeċieda li joħroġ programm u regolamenti ġodda sabiex fis-snin li ġejjin aktar bliet jitħajru jitfgħu n-nomina tagħhom.

Iż-żewġ nomini kienu mdawra mas-sostenibilità, mhux biss waqt l-Olimpjadi imma anke wara, tant li l-bliet ta’ Milan u Cortina D’Ampezzo saħqu li 93% tal-postijiet li ser jintużaw fl-Olimpjadi, jew diġa’ huma eżistenti jew inkella ser ikunu temporanji. Anke n-nomina ta’ Stokkolma kienet imsejsa fuq il-fatt li l-belt u l-pajjiż Żvediż setgħu jkunu ideali biex jospitaw l-Olimpjadi.

Ir-rebbieħ u fejn ser isiru l-Olimpjadi tax-Xitwa 2026 isiru magħrufa s-sena d-dieħla.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Sports Internazzjonali

L-Aġenzija Nazzjonali ta’ Kontra d-Doping (WADA) irnexxielha tiġbor data importanti minn laboratorju f’Moska, u dan sabiex tkun tista’ terġa’ tagħti l-akkreditazzjoni lill-Aġenzija Russa ta’ Kontra d-Doping RUSADA). Skont il-President tal-WADA…

Motorsport

Il-Qatari Nasser Al-Attiyah rebaħ id-Dakar Rally għat-tielet darba fil-karriera tiegħu, meta rnexxielu jispiċċa 46 minuta vantaġġ fil-quċċata tal-klassifika tal-karozzi, filwaqt li l-Awstraljan Toby Price rebaħ il-kategorija tal-muturi. L-għaxar u l-aħħar…

Motorsport

Nasser Al-Attiyah kważi huwa ċert 100% li ser jirbaħ l-edizzjoni tad-Dakar Rally ta’ din is-sena wara li fid-disa’ stadju, l-avversarju tiegħu Stéphane Peterhansel ra l-ħolma tiegħu ttir mar-riħ tad-deżert tal-Peru…

Formula 1

Mick Schumacher, iben il-leġġenda Michael Schumacher, ingħaqad mal-akkademja tas-sewwieqa tal-Ferrari. Mick, ta’ 19-il sena, se jibda jsuq fl-ewwel staġun tiegħu fil-Formula 2, il-kategorija qabel dik tal-Formula 1. Mick Schumacher se…

Aktar