Snooker
Jirritorna l-Isnookner fl-Ingilterra. L-ewwel avveniment jibda fl-1 ta’ Ġunju

L-Isnooker fl-Ingilterra se jirritorna fl-1 ta’ Ġunju bl-avveniment Champions League 2020 li se jsir fil-Marshall Arena f’Milton Keynes.

It-Tournament mistenni jkollu l-parteċipazzjoni ta’ 64 player inkluż iċ-Champion tad-Dinja Judd Trump.

Għat-Tournament li mistenni jintemm fil-11 ta’ Ġunju se jkunu qed jittieħdu diversi miżuri ta’ prevenzjoni kontra l-virus COVID-19 fosthom li kull player, staff, referees u kuntratturi se jkunu qed tittieħdilhom it-temperatura kuljum u fil-bdu tat-Tournament iridu jkunu ttestjati għall-virus.

Il-Marshall Arena ntgħażlet għaliex il-players jistgħu jkunu akkomodati fil-kmamar tal-kumpless innifsu. Mhux se jitħallew jattendu spettaturi.

Il-fond globali ta’ premijiet ta’ dan it-Tournament hu ta’ €220,000, bir-rebbieħ jieħu €33,000 u jassigura post fit-Tournament prestiġjuż ta’ Novembru Champion of Champions.

Miktub minn...
TVM Sport
.