Sport Lokali
Jordan Camilleri jsegwi lil ħuħ Stevie u jingħaqad ma’ Roma Nuoto

Jordan Camilleri ser jimxi wara l-passi ta’ ħuħ Stevie Camilleri b’esperjenza ġdida l-istaġun li ġej fil-kampjonat Taljan A1 ma’ Roma Nuoto.

Camilleri li għandu 25 sena huwa plejer versatili u fost l-aħjar plejers għal Neptunes fl-isfida tagħhom bħalissa li jirbħu l-Kampjonat tas-Sajf.

Huwa kien ukoll parti mill-iskwadra Nazzjonali li x-xahar li għadda ħadet sehem fil-Kampjonat Ewropew f’Barcelona.

F’kumment lis-sit ta’ Roma Nuoto, Jordan Camilleri qal li jinsab motivat għal din l-esperjenza ġdida u grat li Roma Nuoto li tawh din l-opportunita jkompli l-karriera barra l-pajjiż.

Tenna li ħa din id-deċiżjoni wara li tkellem ma’ ħuħ Stevie, żied li jinsab konvint li t-team se jagħmel success, waqt li esprima t-tama li huwa ukoll jista’ jkun ta’ kontribut biex il-klabb ta’ Roma Nuoto l-istaġun li ġej jilħaq l-objettivi tiegħu.

Miktub minn...
Rodney Vassallo