Futbol lokali
Josef Mansueto jtemm l-avventura tiegħu ma’ Gudja Utd

Gudja United staġun ieħor se jkollhom coach ġdid hekk kif il-coach li kien magħhom dawn l-aħħar żewġ staġuni Josef Mansueto mhux se jkompli fil-kariga.

Dan ikkonferma Mansueto stess fejn qal li kienu żewġ staġuni li mhu se jinsa qatt. Hu rringrazzja lil dawk il-players kollha u l-istaff tekniku li għamlu l-ħolma ta’ Gudja United li jkunu biswit l-iktar Clubs popolari fil-futbol lokali bħala realta’. Hu rringrazzja lill-President Duncan Borg Myatt li fdah fit-tmun tat-team għal żewġ staġuni; l-ewwel bil-promozzjoni mill-ewwel diviżjoni għall-kampjonat Premier u wara l-istaġun 2019/20 fejn Mansueto għin lil dan it-team minn raħal żgħir iżomm postu mal-kbar.

Qabel ma waqaf il-kampjonat Gudja kienu fl-10 post tal-klassifika flimkien ma’ Sliema b’24 punt fejn minn 20 logħba huma rebħu 6, ġew draw 6 u tilfu 8 logħbiet. Fost il-logħbiet li rebħu kien hemm dawk kontra Birkirkara (3-2) fid-disa’ ġurnata tal-kampjonat u kontra Valletta (2-0) fl-aħħar ġurnata qabel ma’ ġie sospiż l-istaġun.

TVM Sport infurmat li Mansueto se jibda proġett ieħor ta’ coaching fis-settur taż-żgħażagħ.

 

Miktub minn...
TVM Sport
.
Aħbarijiet Oħra
Futbol lokali

Sirens ippreżentaw lill-attakkant Wilfried Domoraud, li ngħaqad magħhom mingħand Gzira United. Il-Franċiż kien inġieb f’pajjiżna minn Hamrun Spartans u kien jagħmel parti mill-iskwadra mmexxija minn Giovanni Tedesco. Sirens akkwistaw ukoll…

Futbol lokali

Floriana FC, iċ-champions tal-futbol Malti, ittellgħu biex jilagħbu kontra t-tim popolari Rumen CFR Cluj, fl-ewwel rawnd tal-kompetizzjoni tal-UEFA Champions League tal-istaġun li jmiss. Il-partita se tkun qed tintlagħab f’Malta ftit…

Futbol lokali

Futbol lokali: il-bieraħ logħba ta’ ħbiberija bejn Gżira United u Vittoriosa Stars li ntlagħbet fil-Victor Tedesco Stadium. Rebħa ta’ 4-0 għal Gżira United bil-goals għal Maroons skorjati minn: Jefferson li…

Aktar