Futbol internazzjonali
Juventus jikkwalifikaw b’hat trick ta’ Ronaldo

UEFA CHAMPIONS LEAGUE 2018/19

Fażi tal-aħħar 16 it-2 Leg

Juventus………………3

Athletico Madrid….0

(Agg 3-2)

Cristiano Ronaldo kien il-protagonista assolut għal Juventus li grazzi għall-hat trick tiegħu għelbu lil Atletico Madrid 3-0 biex għaddew b’aggregate ta’ 3-2.

Juventus kellhom gowl ta’ Chiellini mħassar wara erba’ minuti iżda marru fil-vantaġġ fis-27 minuta b’daqqa ta’ ras ta’ Cristiano Ronaldo wara kross ta’ Bernardeschi.

Erba’ minuti mill-ftuħ tat-tieni taqsima Juventus irduppjaw b’daqqa ta’ ras oħra ta’ Cristiano Ronaldo fuq kross ta’ Cancelo, bil-gowl ikun konvalidat grazzi għall-goal line technology. It-tielet gowl li kkwalifika lil Juventus wasal erba’ minuti mit-tmiem meta Bernardeschi twaqqa’ fil-kaxxa u mill-ħdax-il metru kien Ronaldo li spara fix-xibka u poġġa lil Juventus mal-aħħar tmienja.

Manchester City…..7

Shalke 04……………0

(Agg 10-2)

Manchester City kif kien mistenni għaddew għall-kwartifinali meta għelbu lil Schalke 7-0 biex għaddew b’aggregate impressjonanti ta’ 10-2. Wara r-rebħa ta’ 3-2 fil-Ġermanja, City neħħew kull dubju dwar il-kwalifikazzjoni sal-ewwel taqsima meta bnew vantaġġ ta’ tliet gowls, tliet gowls skorjati fi spazju ta’ tmien minuti bejn il-35 u t-43 minuta.

Kien Aguero li fetaħ l-iskor minn penalty bl-istess plejer jirdoppja tliet minuti wara u Leroy Sane jagħmilhom tlieta ftit wara.

Fit-tieni taqsima l-gowls komplew ġejjin bi frekwenza kostanti, fejn kien Sterling li għamilhom 4-0 fis-65 minuta u fil-71 minuta kien Bernardo Silva li skorja l-ħames gowl wara azzjoni oħra ta’ Sane.

Fit-78 minuta kien Foden li skorja s-sitt gowls wara li qabeż il-goalkeeper u skorja minn angolu magħluq, bis-seba’ u l-aħħar gowl jasal minn Gabriel Jesus wara pass ta’ Bernardo Silva.

Miktub minn...
Chris Cassar
Aħbarijiet Oħra
Futbol internazzjonali

L-ex stilla Arġentin Diego Armando Maradona kien imwaqqaf l-ajruport ta’ Buenos Aires u aktar tard kien arrestat wara li l-ex maħbuba tiegħu qiegħda tfittxu bil-Qorti. Rapporti li ħerġin mill-Arġentina qegħdin…

Futbol internazzjonali

Tkompli tikber il-probabilità li Antonio Conte jinħatar kowċ t’Inter matul il-ġimgħa d-dieħla, ftit tal-jiem wara li jintemm dan l-istaġun. Inter mistennija jilagħbu l-aħħar logħba tal-istaġun 2018/19 nhar il-Ħadd li ġej…

Futbol internazzjonali

Id-deċiżjoni hija finali. L-edizzjoni tat-Tazza tad-Dinja 2022 ser tkun bi 32 tim. Id-deċiżjoni kienet komunikata mill-FIFA fejn intqal li wara konsultazzjoni wiesgħa u komprensiva, ġie konkluż li fiċ-ċirkostanzi preżenti, il-proposta…

Futbol internazzjonali

Wara t-tmiem tal-Bundesliga fejn Borussia Dortmund spiċċaw fit-tieni post tal-klassifika, huma ma ħlewx ħin sabiex jibdew isaħħu l-iskwadra għall-istaġun li ġej għaliex fi ftit sigħat ħabbru tliet trasferimenti. L-ewwel trasferiment…

Aktar