Futbol lokali
Kampjonat BOV Premier: Birkirkara jegħlbu lil Qormi 2-1 f’logħba missielta

KAMPJONAT BOV PREMIER 2018/19

Birkirkara…2

Qormi………1

Birkirkara għelbu lil Qormi 2-1 f’logħba missielta bil-Qriema jfallu penalty għaxar minuti mit-tmiem, penalty li swiehom telfa oħra, id-disa’ waħda konsekuttiva.

Wara għaxar minuti Birkirkara jmorru fil-vantaġġ grazzi għan-nuqqas t’attenzjoni tal-goalkeeper Azzopardi li bi żball qassam lil PETAR ORLANDIC li mill-ewwel illobbja għal ġewwa. Risposta ta’ Qormi sitt minuti wara b’Ferreira jidħol tajjeb mix-xellug iżda x-xutt tiegħu kien imblukkat mill-goalkeeper. Fid-29 minuta Qormi kisbu l-gowl tad-dro b’ġirja tajba ta’ Gnindokponou li qassam lejn Ferreira li x-xutt tiegħu kien imblukkat iżda TENSIOR GUSMAN mill-viċin spara fix-xibka. Fl-aħħar minuta tal-ewwel taqsima minn azzjoni ta’ korner, Birkirkara jappellaw għall-penalty bil-ballun eventwalment maqlugħ minn fuq il-linja biex ftit wara kien Jamie Azzopardi li salva r-riżultat b’intervent mill-aqwa fuq xutt ta’ Jake Grech.

Kif bdiet it-tieni taqsima salvataġġ ta’ Mansi minn fuq il-linja fuq daqqa ta’ ras ta’ Guillaumier wara freekick ta’ Jake Grech. Fid-59 minuta Qormi perikolużi b’xutt ta’ Gnindokponou jkun imtajjar minn Kurt Zammit. Fl-64 minuta Birkirkara jmorru mill-ġdid fil-vantaġġ meta x-xutt imxellef ta’ Franca wasal għand JAKE GRECH li waħdu ma żbaljax b’xutt preċiż fil-baxx. Għaxar minuti mit-tmiem ċans tad-deheb għal Qormi li jsalvaw ir-riżultat meta ngħataw penalty wara kuntatt dubjuż bejn Arrieta u Paul Fenech, iżda mill-11-il metru x-xutt ta’ Michael Camilleri kien salvat minn Naumovski.

Referee: Malcolm Spiteri

BOV Plejer tal-Logħba: Jake Grech

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol lokali

MAFA – Kampjonat L-Ewwel Diviżjoni 2019/2020 Senglea Gunners bdew l-istaġun 2019/2020 tal-MAFA b’mod eċċezzjonali meta kontra kull mistenni għelbu liċ-champions Versity AFC bl-iskor ta’ 3-1. Anke t-tim promoss ta’ Balzan…

Futbol lokali

Claudio Marchisio, l-ex plejer ta’ Juventus u tat-tim nazzjonali tal-Italja, jinsab f’Malta fuq stedina tal-Juventus Club Cuore Bianconero. U filwaqt li jinsab hawn biex jiltaqa’ mal-Juventini Maltin, ma naqasx milli…

Futbol lokali

Diego Venancio ta’ Floriana FC huwa l-BOV Plejer tax-Xahar għal Settembru 2019. L-Attakkant Brażiljan ta’ 26 sena ngħaqad ma’ Floriana minn Senglea Athletic u huwa kontributur ewlieni għall-ambizzjonijiet ta’ Floriana…

Futbol lokali

L-eks plejer ta’ Juventus Claudio Marchisio wasal f’Malta u beda b’sensiela ta’ attivitajiet organizzati mill-Juventus Club Malta Cuore Bianconero u li għandhom ilaqqgħuh ma’ mijiet ta’ Juventini Maltin. Waqt konferenza…

Aktar