Futbol lokali
FILMAT: Kampjonat BOV Premier: Birkirkara jegħlbu lir-Rainbows bl-iskor ta’ 2-0

KAMPJONAT BOV PREMIER 2018/19

Tarxien R…..0

Birkirkara….2

Birkirkara għelbu lil Tarxien Rainbows bl-iskor ta’ 2-0 biex b’hekk telgħu b’36 punt fil-klassifika. Fl-ewwel 20 minuta ftit li xejn rajna azzjonijiet denji ta’ nota, b’Birkirkara dominanti iżda ftit li xejn effettivi. Tarxien min-naħa tagħhom kienu determinati fid-difiża u ma tantx taw spazji lill-avversarji tagħhom. Fis-37 minuta, azzjoni ta’ Birkirkara fejn Thiago de Souza resaq viċin iżda x-xutt tiegħu għadda barra. Fit-42 minuta minn korner, Maverick Buhagiar interċetta tajjeb bl-Istripes jagħfsu qabel tmiem l-ewwel taqsima. Minuta wara kellna freekick ta’ Johann Bezzina b’Luke Montebello ma jirnexxilux jagħmel kuntatt mal-ballun u d-difiża ta’ Tarxien tikklerja.

Birkirkara marru fil-vantaġġ fil-50 minuta meta’ Nikola Vukanac irnexxilu jegħleb lil Buhagiar b’daqqa ta’ ras imperjuża minn free kick ta’ Johann Bezzina.  Fis-67 minuta, Tarxien resqu viċin li jġibu d-dro meta daqqa ta’ ras akrobatika ta’ Jacson De Paixao kienet salvata verament tajjeb minn Naumovski għall-korner. Fid-79 minuta, ir-referi Philip Farrugia keċċa lil Jacson De Paixao għal fawl perikoluż fuq Andelkovic b’Tarxien jispiċċaw b’għaxar plejers. Birkirkara għalqu l-partita fit-88 minuta meta Luke Montebello irnexxilu jitfa fix-xibka mill-viċin għal skor finali ta’ Tarxien Rainbows 0 Birkirkara 2.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol lokali

Brandon Cassar, Nickolas Paris u Mattia Calleja huma tliet plejers li jiffurmaw parti mill-iskwadra ta’ taħt it-13-il sena ta’ Fgura United F.C. u li għadhom kif esperjenzaw erbat ijiem taħriġ fi Siena, fl-akkademja…

Futbol lokali

Giovanni Tedesco, l-ex kowċ ta’ Hamrun Spartans FC, mil-lum sar kowċ ta’ Gżira United FC. Tedesco ffirma kuntratt ta’ tliet snin li se jorbtu mal-klabb tal-Maroons sal-istaġun 2021/2022. Fi stqarrija…

Futbol lokali

Il-Gozo Football Association temmet uffiċjalment l-istaġun tal-futbol 2018/2019 bl-avveniment anwali tal-GFA Awards 2018 / 2019, fejn l-assoċjazzjoni ħabbret u ppreżentat l-unuri individwali f’diversi kategoriji ta’ kompetizjonijiet tal-futbol Għawdxi.  L-unuri ewlenin…

Futbol lokali

Roderick Briffa, il-midfielder nazzjonali Malti ta’ 37 sena, se jerġa’ jsir plejer ta’ Birkirkara fis-sigħat jew il-jiem li ġejjin. TVM Sport jista’ jikkonferma li Briffa laħaq ftehim ma’ Birkirkara FC…

Aktar