Futbol lokali
Kampjonat BOV Premier: Draw bejn Ħamrun u St Andrews li ma jikkuntenta lil ħadd

KAMPJONAT BOV PREMIER 2017/18

ĦAMRUN S…………..1

ST ANDREWS……….1

Draw bejn l-Ispartans u s-Saints fl-Istadium Victor Tedesco meta spiċċaw fi draw ta’ 1-1, f’logħba li pjuttost m’offriet kważi xejn ħlief il-goals li ġew wieħed f’kull taqsima. B’hekk, it-tim ta’ Ħamrun ħadu r-raba’ draw f’dan l-istaġun, filwaqt li kien it-tieni wieħed għal St Andrews.

Tliet tibdiliet għal Jacques Scerri mill-ħdax li bdew fid-draw kontra Hibernians, meta Jake Galea ħa post l-imweġġa’ Steve Sultana bejn il-lasti, filwaqt li Marco Criaco u Terence Agius bdew minflok is-sospiżi Tiago Souza de Silveira u Triston Caruana. Fuq in-naħa l-oħra, il-kowċ Michael Woods ta’ St Andrews għamel żewġ bidliet mit-tim li beda fit-telfa kontra Balzan, meta Tano Azian u Travis Blagrove ħadu post Liam Grech u Kevaughn Atkinson.

Fl-ewwel rawnd Ħamrun Spartans kienu għelbu lil St Andrews bl-iskor ta’ 2-1.

Kienu għaddew 10 minuti meta mill-ewwel xutt lejn il-lasta rnexxilhom jiskurjaw. Kienet azzjoni li bdiet minn Galea li tefa’ ċentrali lejn Davide Succi li b’first timer tefa’ mal-art fix-xibka biex fetaħ l-iskor u għamilhom 1-0.

Fil-55 minuta Agius ta’ Ħamrun ittanta xortih mid-distanza, imma Calleja Cremona tar minn tulu u b’akrobazija salva. U żewġ minuti wara Kemar Reid irnexxielu jġib id-draw għas-Saints meta wara li qabeż żewġ difensuri, minn ġol-kaxxa spara għal ġewwa biex għamilhom 1-1. Reazzjoni minn Ħamrun fil-65 minuta meta mill-freekick, De Castro ra l-ballun jaħbat mal-barriera, u mir-rebound xeħet il-ballun ftit barra. Fit-83 minuta Ħamrun ipprotestaw għall-penalty meta Galea deher jitwaqqa’ fil-kaxxa, imma filwaqt li r-referee ħalla l-logħob għaddej, il-qiegħda dehret tisħon bejn il-plejers avversarji.

Riżultat finali: Ħamrun S. 1  St Andrews 1

BOV Player tal-Logħba: Kemar Reid ta’ St Andrews

Referee: Etienne Mangion

 

Miktub minn...
Sandro Micallef
Ġurnalist ta' TVM Sport. Isegwi l-Isport lokali u internazzjonali. Jippreżenta l-programm Sports Panorama.
Aħbarijiet Oħra
Futbol lokali

Telghu l-poloz tal-Ewwel Round ta’ Kwalifikazzjoni tal-UEFA Champions League u ċ-Champions Maltin Valletta telgħu biex jilgħabu kontra Kukesi tal-Albanija. Ir-rebbieħa tal-logħbiet jikkwalifikaw għat-tieni rawnd tal-UEFA Champions League filwaqt li t-telliefa…

Futbol lokali

It-tim nazzjonali Malti ta’ taħt is-17-il sena se jkun qed jilgħab żewġ logħbiet ta’ ħbiberija kontra ż-żgħażagħ tal-klabb Taljan ta’ Frosinone waqt kamp ta’ taħriġli se jsir fl-Italja aktar tard…

Futbol lokali

Michael Mifsud huwa plejer ta’ Birkirkara FC. Jidher li Birkirkara laħqu ftehim mal-captain tat-tim nazzjonali Malti fl-aħħar jiem hekk kif sar jafu li l-plejer kien se jtemm l-avventura tiegħu minn…

Futbol lokali

Partita minn Grupp 6 ta’ taħt il-21 sena, ta’ kwalifikazzjoni għall-Kampjonati Ewropej fl-Italja s-sena d-dieħla: Telfa ta’ 4-0 għal Malta kontra l-Iżvezja fis-Centenary Stadium f’Ta’ Qali. L-Iżvedizi ħadu biss 3…

Aktar