Futbol lokali
FILMAT Kampjonat BOV Premier: Draw u punt kull wieħed għal Mosta u Birkirkara

KAMPJONAT BOV PREMIER 2019/20

Mosta………1

Birkirkara..1

B’Kara FC baqgħu bla rebħa wara 4 logħbiet meta ġew miżmuma fi dro ta’ 1-1 minn Mosta FC.

Wara 6 minuti logħob xutt ta’ Mathias Muchardi fil-baxx u Hogg salva b’diffikultà.

Fis-16-il-minuta pass tajjeb ta’ Ryan Fenech lil Prado Caio li x-xutt tiegħu ġie mdawwar f’korner minn Vella, mill-istess azzjoni xutt ta’ Ryan Fenech spiċċa ftit barra, sabiex minuta wara Mosta marru fil-vantagg meta Akeem Roach kompla lejn Edin Murga li kien pront għeleb lil Andrew Hogg.

Fil-31 minuta shot-cross fil-baxx mil-lemin ta’ Prado Caio u l-goalkeeper Vella salva mal-art u sitt minuti wara xutt fil-baxx ta’ Miguel Angel Alba, reġa’ salva l-goalkeeper Mosti.

Mal-ftuħ tat-tieni taqsima B’kara kienu viċin li jiksbu l-gowl ta’ dro meta Falcone bir-ras kompla lejn Prado Caio li xxutja ftit barra.

Ftit wara it-tenattiv ta’ Federico Falcone mill-viċin ġie imblukkat tajjeb minn Vella.

Fis- 66 minuta xutt ieħor insidjuż ta’ Prado Caio bil-ballun jgħaddi ftit barra.

Fil 71 minuta B’Kara kisbu il-gowl ta’ dro minn penalty meta Dexter Xuereb waqqa lil Kurt Zammit fil-kaxxa u mill-penalty Miguel Angel Alba għeleb lil Vella fil-baxx.

Fl-84 minuta xutt tas-sostitut Zachary Brincat spiċċa ftit barra u ftit wara xutt mill-ewwel tas-sostitut Karkariż Michael Mifsud spiċċa ftit għoli mil-lasta Mostija u fl-aħħar minuta xutt mill-viċin ta’ Murga ġie mblukkat minn Andrew Hogg.

Referee : Matthew Degabriele.

BOV Player tal partita : Henrique Prado Caio.

 

 

 

 

Miktub minn...
TVM Sport
Aħbarijiet Oħra
Futbol lokali

Jake Grech ta’ Hibernians huwa l-BOV Plejer tax-Xahar għal Awwissu 2019. Charles Azzopardi, Kap Eżekuttiv tal-PR u l-Marketing fil-Bank of Valletta ppreżenta t-trofew tal-BOV Plejer tax-Xahar għal Awwissu 2019 lil Grech li…

Futbol lokali

Xewkija Tigers kisbu rebħa ta’ 3-0 kontra Kerċem Ajax biex telgħu fl-ewwel post tal-klassifika u baqgħu mhux megħluba fil-kampjonat. Xewkija fetħu l-iskor fir-4 minuta ta’ ħin miżjud qabel intemmet l-ewwel…

Futbol lokali

MAFA – Kampjonat L-Ewwel Diviżjoni 2019/2020 Senglea Gunners bdew l-istaġun 2019/2020 tal-MAFA b’mod eċċezzjonali meta kontra kull mistenni għelbu liċ-champions Versity AFC bl-iskor ta’ 3-1. Anke t-tim promoss ta’ Balzan…

Futbol lokali

Claudio Marchisio, l-ex plejer ta’ Juventus u tat-tim nazzjonali tal-Italja, jinsab f’Malta fuq stedina tal-Juventus Club Cuore Bianconero. U filwaqt li jinsab hawn biex jiltaqa’ mal-Juventini Maltin, ma naqasx milli…

Aktar