Futbol lokali
Kampjonat BOV Premier: Draw u punt kull wieħed għal Qormi u Pietà

KAMPJONAT BOV PREMIER 2018/19

QORMI ………………………….. 2

PIETA H. ……………………….. 2

B’gowl ta’ Mensah lejn it-tmiem Pieta kisbu l-ewwel punt tal-istaġun kontra Qormi f’logħba bejn it-timijiet promossi mill-Ewwel Diviżjoni. Kienet logħba li żvolġiet f’waħda interessanti wara bidu mill-iktar kwiet, bil-Qriema jkollhom l-opportunita li jagħlqu l-logħba bit-tielet gowl meta fallew penalty.

Fl-ewwel azzjoni denja tal-logħba wara nofs siegħa, Qormi fetħu l-iskor. Azzjoni tajba ta’ Iven Zammit fuq ix-xellug u pass lejn Mano Micallef kompletament żmarkat li b’xutt mill-ewwel fil-baxx għeleb lil Vella.

Żewħ minuti wara Qormi viċin it-tieni gowl meta minn azzjoni ta’ freekick il-ballun wasal f’saqajn Yankam li ra x-xutt tiegħu jaħbat mal-lasta. Fid-39 minuta Pieta kisbu l-gowl tad-draw meta minn freekick ta’ Neil Pace Cocks, kien Macedo Neto li bir-ras għeleb lil Jamie Azzopardi

Minuta wara Pieta setgħu marru fil-vantaġġ, meta Mensah waħdu quddiem il-goalkeeper avversarju dam jaħsibha xi ftit u kien imwaqqaf bi bravura mill-goalkeeper Azzopardi.

Tmien minuti mill-ftuħ tat-tieni taqsima Qormi mill-ġdid fil-vantaġġ meta Tensior Gusman rebaħ ballun ftit barra l-kaxxa u fajjar ġmiel ta’ xutt li għeleb għal kollox lil Vella. Fit-62 minuta Qormi kellhom ċans tad-deheb li jkabbru l-iskor meta Arrieta kien miġbud fil-kaxxa minn Degabriele bir-referee jordna l-penalty, iżda mill-11-il metru ix-xutt ċentrali tal-istess Arrieta kien salvat minn Vella.

Fl-aħħar fażi Pieta xeħtu kollox fl-attakk u minuta mit-tmiem kienu ppremjati meta Gabriel Mensah irċieva ballun f’tarf il-kaxxa u antiċipa l-ħarġa ta’ Azzopardi u skorja b’xutt fil-baxx.

Riżultat finali Pieta 2 Qormi 2, plejer tal-logħba Iven Zammit ta’ Qormi u ikkontrolla r-referee Jude Amin Utulu.

Miktub minn...
TVM Sport
Aħbarijiet Oħra
Futbol lokali

Aktar transfer hekk kif Floriana wkoll bdew jiċċaqalqu bl-akkwisti kkordinati mill-President Riccardo Gaucci li ftit jiem ilu reġa’ ġie konfermat fil-kariga mill-Laqgħa Ġenerali Annwali tal-Greens. Floriana kkonfermaw l-akkwist ta’ Augusto…

Futbol lokali

Ikomplu l-akkwisti ta’ aktar players barranin mill-Club ta’ Balzan hekk kif dawn iffirmaw lill-attakkant mis-Serbja Stefan Dimic. Dimic, għandu 26 sena, u fil-passat lagħab mat-teams tal-Youths u anke ta’ taħt…

Futbol lokali

Mario Muscat, l-ex gowlkiper nazzjonali ta’ Malta u ta’ Hibernians FC, mil-lum sar kowċ ta’ Senglea Athletic FC. Kif żvela TVM Sport fis-sigħat li għaddew, Muscat inħall mill-kuntratt li kellu…

Futbol lokali

It-tim nazzjonali Malti ta’ taħt id-19-il sena, immexxi minn Winston Muscat, se jmur ‘traning camp’ ta’ sitt ijiem fl-Awstrija. Waqt dan it-‘training camp’, it-tim se jilgħab żewġ partiti ta’ ħbiberija….

Aktar