Futbol lokali
Kampjonat BOV Premier: Floriana jassiguraw it-3 punti fit-tieni taqsima

KAMPJONAT BOV PREMIER 2018/19

Pieta’ Hotspurs…. 0

Floriana FC ……….2

Floriana kisbu rebħa tajba kontra Pieta’ Hotspurs b’żewġ gowls fit-tieni taqsima fl-ewwel partita li ntlagħbet fil-Grawnd Ċentinarju nhar l-Erbgħa. B’dan ir-riżultat, Floriana telgħu fit-tmien post b’25 punt filwaqt li Pieta baqgħu fl-aħħar post tal-klassifika b’għaxar punti.

Pita’ Hotspurs riedu jiksbu xi haġa minn din il-partita kontra Floriana jekk kellhom xi ħjiel li jsalvaw mir-relegazzjoni għall-Ewwel Diviżjoni. Minn-naħa tagħħom , il-Greens ukoll riedu jagħmlu ċert li ma jkunux f’xi periklu b’rebħa u t-tlett punti f’dan il-konfront.

Fl-ewwel għoxrin minuta rajna attakki kostanti minn Floriana iżda dawn ftit li xejn inkwetaw id-digiża ta’ Pieta’. Floriana resqu viċin b’xutt ta’ Alex Cini li għadda ftit barra fid-39 minuta.

Fis-47 minuta, Jose’ Arias kellu xutt tajjeb fil-baxx li ġie salvat għal korner minn Nicky Vella. Floriana finalment marru fil-vantaġġ meta Diego Brandon Paiber fajjar xutt mill-isbaħ li ħabat mal-lasta u baqa dieħel ġewwa x-xibka. Pieta’ għamlu rejazzjoni tajba meta’ Paul Chimezie kellu xutt li għadda kemm kemm għoli fis-66 minuta.

Iżda kienu Floriana li reġgħu skurjaw fit-72 minuta meta Emerson Marcelina fajjar xutt mill-isbaħ minn kważi mal-pemnalty spot u ma taha l-ebda ċans lill Vella fil-lasti tal-Pieta’. Pieta’ reġgħu resqu viċin li jiskurjaw meta Callistus kellu xutt fil-baxx wara ħarba tajba bil-gowler isalva tajjeb. Fid-90 minuta, Pieta’ kienu sfortunati li ma skurjawx il-gowl tal-bandiera meta Artiaga qassam lill Callistus li raha x-xutt brillanti tiegħu salvat b’mod akrobatiku minn Akpan.

BOV Plejer tal-Partita: Emerson Marcelina (Floriana).

 

Miktub minn...
TVM Sport
.
Aħbarijiet Oħra
Futbol lokali

Sliema Wanderers ħabbru li akkwistaw lill-plejer mill-Arġentina Juan Cruz Gill. Id-difensur, li għandu wkoll ċittadinanza Taljana, lagħab f’pajjiżna ma’ Valletta u Tarxien Rainbows. Fil-passat, Crus Gill lagħab fil-Premier Division fl-Arġentina…

Futbol lokali

Federico Falcone, l-ex plejer ta’ Valletta FC, mil-lum sar plejer ta’ Birkirkara. Falcone ffirma kuntratt ta’ sentejn. B’dan l-akkwist, Birkirkara se jkomplu jsaħħu l-iskwadra fit-tentattiv li jirbħu l-kampjonat fl-istaġun li…

Futbol lokali

San Ġwann baqgħu jżommu l-ewwel post tal-klassifika ta’ The Convenience Summer Cup 2019 hekk kif intlagħbet it-tieni ġurnata ta’ dan it-turnament annwali ta’ qabel l-istaġun. It-tim immexxi minn Jean Paul…

Futbol lokali

Astana għaddew għar-rawnd tal-play-offs tal-UEFA Europa League meta ftit sabu diffikulta’ sabiex jegħlbu lil Valletta bl-iskor ta’ 4-0 . B’hekk it-tim mill-Kazakhztan għaddew bi skor aggregate ta’ 9-1. Valletta kellhom…

Aktar