Futbol lokali
FILMAT Kampjonat BOV Premier: Gowl tas-sostitut Darmanin jagħti rebħa lill-Ispartans fuq Birkirkara

KAMPJONAT BOV PREMIER 2018/19

Birkirkara………0
Ħamrun S………1

Ħamrun għamlu d-double fuq Birkirkara meta fl-Istadium Nazzjonali huma reġgħu ħarġu rebbieħa kontra tal-wied f’dan l-istaġun meta rebħu bl-iskor ta’ 1-0. F’logħba li fl-ebda ħin ma laħqet l-aspettativa, b’ħafna logħob ‘l hemm u ‘l hawn u ftit xuttijiet lejn il-lasti, kellu jkun is-sostitut Ryan Darmanin li jagħmel id-differenza u l-gowl tiegħu ta tliet punti importanti lill-Ispartans li permezz tagħhom qabżu lill-istess Birkirkara.

Fl-erba’ logħbiet qabel dan il-konfront, Birkirkara dejjem ġabru l-punti, b’żewġ rebħiet u żewġ dros. Fl-aħħar tnejn huma rebħu lit-Tarxien Rainbows u lil St Andrews. Għall-Ispartans, l-aħħar erba’ logħbiet ma kenux daqstant sodisfaċenti għaliex minnhom tilfu tnejn, rebħu waħda u oħra ġew dro u allura ġabru biss 4 punti. Fl-ewwel rawnd Ħamrun Spartans kienu għelbu lil Birkirkara bl-iskor ta’ 2-1.

Fid-19-il minuta kellha tkun bravura ta’ Naumovski li żamm il-ballun ‘il barra meta Tulimieri ttanta xutt għal ġewwa, il-goalkeeper tajjar momentarjament, imbagħad Calil tefa’ l-ballun max-xibka minn barra.

Mal-61 minuta Ħamrun reġgħu resqu viċin meta Calil reġa’ prova xutt ieħor lejn il-lasta iżda li għadda ftit barra minn mal-wieqfa. Ċans tad-deheb moħli għall-Ħamrun meta fid-79 minuta Domoraud avvanza, qassam lejn Darmanin li waqqa’ l-ballun lil Calil li l-konklużjoni tiegħu kienet totalment żbaljata. Imma fil-81 minuta s-sostitut Ryan Darmanin li kienu ilu biss 3 minuti fil-grawnd skorja dak li kellu jkun il-gowl tar-rebħa. Wara li riċeva l-ballun mingħand Criaco, Darmanin minn qagħda angolata spara fix-xibka biex fetaħ l-iskor għall-Ispartans. Mar-raba’ minuta fuq il-ħin regolamentari Terence Agius ta’ Birkirkara spiċċa mkeċċi b’karta ħamra diretta meta deher jagħti daqqa ta’ minkeb lill-plejer avversarju u wara li l-assistent referee Jurgen Spiteri ġibed l-attenzjoni tar-referee, il-plejer kellu jmur fid-dressing room qabel sħabu.

Riżultat finali: Birkirkara 0 Ħamrun S. 1
Referee: Malcolm Spiteri.
BOV Player tal-Logħba: Marco Criaco (Ħamrun S.)

Miktub minn...
TVM Sport
.
Aħbarijiet Oħra
Futbol lokali

L-ex difensur ta’ Hibernians u Gżira United, Rodolfo Soares se jingħaqad maċ-champions tal-futbol Għawdxi, Nadur Youngsters. Id-difensur ta’ 35 sena ilu għal dawn l-aħħar żewġ staġuni ma’ Gżira United. Il-Brażiljan…

Futbol lokali

Il-plejer internazzjonali Malti Joseph Mbong jista’ jingħaqad ma’ Hamrun Spartans fis-sigħat li ġejjin. TVMSport jista’ jikkonferma li Hamrun Spartans diġà tkellmu ma’ Hibernians u mal-plejer innifsu. Jidher li bejn Hamrun…

Futbol lokali

Sitt gowls ta’ Zvezdan Vukovic għenu lil White Eagles jirbħu s-Super Cup  organizzata mill-Malta MiniFootball Association meta fil-grawnd tal-Marsa huma għelbu lil United Stars bl-iskor ta’ 10-7. Din kienet l-aħħar…

Futbol lokali

Il-plejer internazzjonali ta’ Malta tat-tim tan-nisa Emma Louise Lipman ingħaqdet mal-klabb Taljan ta’ Lazio. Lipman iffirmat kuntratt ta’ sena, b’opzjoni li jiġġġedded. Lipman twieldet fl-Ingilterra iżda għanda dixxendenza Maltija u…

Aktar