Futbol lokali
Kampjonat BOV Premier: Gżira jibqgħu fl-ewwel post, jirbħu anki jekk tkeċċa Cohen wara 4 minuti logħob

KAMPJONAT BOV PREMIER 2018/19

Senglea A …………..0

Gżira U ………………1

Gżira baqgħu bla telfa filwaqt li żammew il-quċċata tal-klassifika meta b’10 min-nies għal kważi logħba sħiħa għelbu lil Senglea bl-iskor ta’ 1-0.

Iż-żewġ timijiet setgħu jinkludu l-aqwa formazzjoni possibbli għal din il-partita.

Gżira ma tantx bdew bl-aħjar mod din il-partita minħabba li wara biss erba’ minuti l-midfielder offensiv Andrew Cohen tkeċċa wara ritaljazzjoni mad-difensur Ferdinando Salvati.

Fit-8 minuta kellna okkażjoni tajba ta’ Senglea meta Tcanturia għadda lejn Caseres li ra x-xutt tiegħu jgħaddi ftit għoli.

Fl-44 minuta xutt ta’ Amadou Samb sab lil Matthew Farrugia attent hekk kif laqa’ l-ballun f’korner.

Bl-ewwel taqsima tagħlaq fi dro ta’ 0-0.

Senglea ħarġu tajjeb u fis-47 minuta minn azzjoni ta’ korner, kien Imanol Gonzalez li bir-ras impenja lil Haber.

Minkejja kollox kienu Gżira li marru fil-vantaġġ proprju fil-50 minuta  meta kien Amadou Samb li rċieva l-ballun u b’azzjoni personali daħal fil-kaxxa u filwaqt li rranġa l-ballun b’xutt bomba għeleb lil Matthew Farrugia.

Dan kien is-sitt gowl li skorja Samb matul dan l-istaġun.

Reazzjoni ta’ Senglea minuta wara b’xutt ta’ Caseres li Haber laqa’ b’kumdita’ liema bħalha.

Fil-75 minuta Gżira reġgħu ttantaw xortihom meta kross ta’ Amadou Samb sab lis-sostitut Nikolai Muscat li mill-viċin tefa’ barra.

Il-Maroons baqgħu jikkontrollaw sal-aħħar biex assiguraw l-ewwel post għal ġimgħa oħra.

BOV Plejer tal-Logħba kien Amadou Samb ta’ Gżira.

Referi kien Stefan Pace.

Miktub minn...
TVM Sport
Aħbarijiet Oħra
Futbol lokali

‘Forward Together’…’Flimkien ’il Quddiem’, hu l-isem tal-kampanja ta’ Bjorn Vassallo, kandidat għall-elezzjoni ta’ President tal-Malta Football Association, li se ssir fil-Laqgħa Ġenerali Annwali tal-20 ta’ Lulju li ġej. F’konferenza ta’…

Futbol lokali

Ir-referee Malti Trustin Farrugia Cann ġie promoss għal Kategorija 2 fuq il-Panel tal-FIFA. Farrugia Cann isieħeb lir-referee lokali l-ieħor Alan Mario Sant f’din il-kategorija li tfisser li jistgħu jikkontrollaw partiti…

Futbol lokali

Aktar transfer hekk kif Floriana wkoll bdew jiċċaqalqu bl-akkwisti kkordinati mill-President Riccardo Gaucci li ftit jiem ilu reġa’ ġie konfermat fil-kariga mill-Laqgħa Ġenerali Annwali tal-Greens. Floriana kkonfermaw l-akkwist ta’ Augusto…

Futbol lokali

Ikomplu l-akkwisti ta’ aktar players barranin mill-Club ta’ Balzan hekk kif dawn iffirmaw lill-attakkant mis-Serbja Stefan Dimic. Dimic, għandu 26 sena, u fil-passat lagħab mat-teams tal-Youths u anke ta’ taħt…

Aktar