Futbol lokali
Kampjonat BOV Premier: Hamrun Spartans – Valletta u Hibernians – Balzan, is-Sibt li ġej fl-16.00

Il-partita tant mistennija bejn Hamrun Spartans u Valletta li se tiddeċiedi fejn imur il-Kampjonat BOV Premier 2018/19 se tintlagħab is-Sibt li ġej, fl-16.00, fl-istadium nazzjonali, f’Ta’ Qali.

Fl-istess ħin, fil-Hibernians Stadium f’Kordin, Hibernians jilagħbu kontra Balzan.

Fl-istess ħin ukoll fis-Centenary Stadium tintlagħab il-partita bejn Sliema Wanderers u Pietà Hotspurs.

Dawn it-tliet partiti, minbarra li se jiddeċiedu r-rebħ tat-titlu, se jiddeċiedu min jispiċċa fir-raba’ post tal-klassifika li possibbilment ikun ifisser post fil-UEFA Europa League staġun ieħor, jekk dejjem l-FA Trophy tintrebaħ minn Valletta, Hibernians jew Gżira United.

Il-programm tal-aħħar ġurnata tal-kampjonat jibda mill-Ġimgħa.

Fl-istadium nazzjonali, fis-18.00, tintlagħab Tarxien Rainbows – Floriana. FIt-20.00 tintlagħab Qormi – Mosta.

Fil-Hibernians Stadium f’Kordin, fit-20.00, tintlagħab St Andrews – Gżira United. Fl-istess ħin fil-Victor Tedesco STadium, fil-Ħamrun, tintlagħab Birkirkara – Senglea Athletic.

Miktub minn...
TVM Sport
Aħbarijiet Oħra
Futbol lokali

Il-Gozo Football Association ippreżentat it-tazza ta’ champions tal-BOV Gozo Football League 2019/20 lil Nadur Youngsters f’ċeremonja qasira. Din il-preżentazzjoni setgħet issir wara li l-kunsill tal-Malta Football Association ikkonferma d-deċizjoni tal-Gozo…

Futbol lokali

F’kitba li tella’ fuq il-profil tiegħu ta’ facebook ftit tal-ħin ilu, Paul Zammit, ħabbar li m’għadux kowċ ta’ Gżira United. Zammit qal li wara diskussjonijiet mal-President Sharlon Pace, intlaħaq qbil…

Futbol lokali

L-ex plejer nazzjonali Noel Turner inħatar Direttur Tekniku tal-Youths ta’ Sliema Wanderers FC. Turner hu ex plejer u captain ta’ Sliema Wanderers FC li magħhom rebaħ kull unur possibbli fil-futbol…

Futbol lokali

Illejla l-MFA u l-President Bjorn Vassallo taw l-ewwel reazzjoni tagħhom wara l-Kunsill tat-Tnejn li għadda fejn fih ittieħdu l-voti dwar l-eżitiċi finali tal-klassifiċi. F’konferenza stampa ta’ aktar minn siegħa li…

Aktar