Futbol lokali
Kampjonat BOV Premier: Hibernians ikompli jirbħu u jagħtu l-ewwel telfa lil Gżira Utd

Kampjonat BOV Premier 2018/19

HIBERNIANS 1

GŻIRA UTD. 0

Hibernians kienu ġejjin minn rebħa kontra Floriana filwaqt li Gżira minn tlett draws konsekuttivi. Fl-ewwel rawnd Gżira kienu ħarġu rebbieħa bl-iskor ta’ 3-2.

Fit-8 minuta Haber ħareġ minn postu biex antiċipa lil Marcolino. Biex sitt minuti wara rrispondew Gżira hekk kif Garba lagħab il-ballun fid-direzzjoni ta’  Zach Scerri iżda l-konklużjoni tiegħu minn posizzjoni tajba spiċċat għolja.

Fl-20 minuta Kristensen sab l-ispazju fid-difiża avversarja bil-ballun jasal għand Grech iżda x-xutt djagonali ta’ dan tal-aħħar spiċċa għoli. Seba’ minuti wara ċans ieħor għall-Pawlisti hekk kif ballun fit-tul minn Kristensen li sab lil Marcolino iżda xutt tal-Brażiljan ġie mblukkat minn Haber.

Hibernians komplew jinsistu fejn man-nofs siegħa logħob Agius qassam lejn Grech iżda x-xutt fil-baxx tiegħu kien salvat minn Haber. Biex Hibernians marru fil-vantagg fis-37 minuta hekk kif Mbong tefa’ kross minn fuq il-lemin li Haber salva u ma’ żammx biex Jake Grech mill-viċin poġġa l-ballun fix-xibka.

Ir-reazzjoni tal-Maroons kienet waħda immedjata hekk kif minuta biss wara xutt mid-distanza ta’ Zach Scerri ġie mdawwar f’corner minn Jovicic. Biex fil-ħin mogħti żejjed tal-ewwel taqsima Hibernians setgħu rdoppjaw meta Degabriele qassam lura fil-kaxxa lejn Marcolino bix-xutt tiegħu jgħaddi jħakkek mal-mimduda.

Fis-56 minuta cross shot min Radojevic kien imbiegħed  minn Haber. Biex għaxar minuti wara free kick ta’ Grech u d-daqqa ta’ ras minn Agius tkun salvata minn Haber. Fit-68 minuta xutt mid-distanza ta’ Grech b’Haber isalva.

Ikkontrolla din il-logħba r-referee  Alan Mario Sant 

Jake Grech ġie vvutat il-BOV Plejer tal-Logħba.

Miktub minn...
TVM Sport
Aħbarijiet Oħra
Futbol lokali

Il-Kumitat Eżekuttiv tal-MFA approva pakkett finanzjarju ta’ €1.4 miljuni biex jassisti lill-futbol Malti wara l-kriżi tal-Covid-19 u dan wara li l-futbol domestiku, bħal kull settur ieħor, kien milqut b’mod negattiv…

Futbol lokali

Gżira United FC huma t-tieni klabb wara Valletta FC li talbu lill-Malta Football Association tinvestiga l-mod kif Floriana FC ingħataw il-liċenzja tal-UEFA biex jikkompetu fil-UEFA Champions League fl-istaġun li jmiss….

Futbol lokali

Floriana FC irrispondew għall-istqarrija li ntbagħtet minn Valletta FC, iktar kmieni llum u sejħu l-allegazzjonijiet li saru fil-konfront tagħhom bħala attakk ieħor malizzjuż kontriehom. Dione Borg, Segretarju ta’ Floriana FC,…

Futbol lokali

Tony Cassar, il-President ta’ Tarxien Rainbows FC, ġie kkonfermat fil-kariga għal tal-inqas sena oħra. Dan ħareġ mil-Laqħa Ġenerali Annwali li kellu l-klabb, ilbieraħ. Waqt id-diskors tiegħu, l-President Cassar spjega il-viżjoni…

Aktar