Futbol lokali
Kampjonat BOV Premier: Nifs qawwi għall-Wanderers, Zammit jiddebbuta b’telfa

KAMPJONAT BOV PREMIER 2019/20

Sliema W…..2

Gżira UTD….0

Debutt xejn feliċi għal Paul Zammit fit-tmexxija ta’ Gżira United, bil-goalkeeper Justin Haber ma jkollux riżultat feliċi fit-300 logħba tiegħu fil-Kampjonat Premier meta Gżira United ħadu t-tieni telfa infila meta tilfu kontra Sliema Wanderers bl-iskor ta’ 2-0. Din it-telfa taqta’ lil Gżira mit-tellieqa għar-rebħ tal-kampjonat, filwaqt li l-Wanderers jieħdu nifs qawwi fin-naħa t’isfel tal-klassifika.

Mal-20 minuta Sliema tilfu ċans tad-deheb li jmorru minn fuq meta Cisotti għadda cross perfett lejn Vasilchik li waħdu quddiem lasta vojta bir-ras tefa’ barra minflok fix-xibka.

Fl-54 minuta Alex Satariano ħalla lil Haber iċċassat wara li l-plejer Slimiż qabad il-ballun u minn tarf il-kaxxa tefa’ l-ballun mal-mimduda u fix-xibka wara l-goalkeeper ta’ Gżira għal 1-0. Fit-62 minuta l-Wanderers irduppjaw meta din id-darba kien Arthur Oyama li minn corner dirett tefa’ wara Haber għal 2-0. Galea tal-Wanderers kien tajjeb fit-82 minuta biex tajjar id-daqqa ta’ ras ta’ Davis wara l-cross ta’ Kone.

Referee: Darryl Agius

BOV Player tal-Logħba: Alex Satariano ta’ Sliema W.

Formazzjonijiet:

Sliema W.: Jake Galea (GK), Michele Sansone (Claudio Pani 81’), Alexander Satariano (Gareth Barone 88’), Kurt Shaw, Jonathan Pearson (Juan Cruz Gill 46’), John Mintoff, Mark Scerri (c), Federico Vasilchik, Juri Cisotti, Edmond Agius, Arthur Oyama

Gżira UTD: Justin Haber (GK)(c), Fernando Barbosa, Zachary Scerri, Andrew Cohen (Martin Davis 67’), Juan Carlos Corbalan, Clifford Gatt Baldacchino, Hamed Kone, Sacha Borg (Nikolai Muscat 83’), Amadou Samb (Dexter Xuereb 67’), Marco Criaco, Wilfried Domoraud

Miktub minn...
TVM Sport
Aħbarijiet Oħra
Futbol lokali

Il-Ġimgħa ttelgħu l-poloz tal-fażi tal-aħħar sittax tal-UEFA Europa League. Il-Poloz irriżultaw hekk: İstanbul Başakşehir (TUR) – Copenhagen (DEN) Olympiacos (GRE) – Wolves (ENG) Rangers (SCO) – Leverkusen (GER) Wolfsburg (GER)…

Futbol lokali

Fi tmiem il-ġimgħa jintlagħbu l-erba’ kwarti tal-finali tal-kompetizzjoni tal-FA Trophy ta’ dan l-istaġun 2019/20. F’Konferenza stampa organizzata mill-MFA tkellmu l-kowċis u l-uffiċjali tat-tmien teams li se jkunu nvoluti fl-erba’ logħbiet…

Futbol lokali

L-Avukat Angelo Chetcuti huwa d-delegat tal-UEFA tal-ewwel leg tal-kwarti tal-finali tal-partita tal-lejla fi Franza bejn Lyon u Juventus. Chetcuti hu s-Segretarju Ġenerali tal-Malta Football Association u ilu fil-kariga mill-2016 b’deċiżjoni…

Futbol lokali

Ħdax -il player mill-Kampjonat BOV Premier ġew sospiżi logħba mill-kummissarju tad-dixxiplina tal-MFA wara l-logħbiet ta’ tmiem il-ġimgħa. Il-players li ġew sospiżi logħba huma dawn: Nenad Sljivic (Balzan) Matthew Guillaumier (Birkirkara) Enrico…

Aktar