Futbol lokali
Kampjonat BOV Premier: Rebħa komda għall-Mosta fuq Tarxien fl-ewwel ħarġa tagħhom

KAMPJONAT BOV PREMIER 2019/20

TARXIEN RAINBOWS…..0

MOSTA FC…………………..4

Wara 6 minuti logħob ċans tajjeb għar-Rainbows li setgħu marru fil-vantaġġ, daqqa ta’ ras mill-viċin ta’ Aleksa Andrejic pero’ l-goalkeeper Andreas Vella jimblokka tajjeb. Fit- 18 –il minuta kross mil-lemin ta’ Thomas Veronese u daqqa ta’ ras ta’ Miranda Gomez spiċċat barra. Fit-33 minuta kross mil-lemin ta’ Dexter Xuereb u daqqa ta’ ras ta’ Nikita Kotlov tispiċċa barra. Tlett minuti wara ċans ieħor għall-Mosta, xutt angulat fil-baxx ta’ Edin Murga u goalkeeper Briffa imblokka b’saqgħajħ, pero’ fl-40 minuta Mosta marru fil-vantaġġ, il-kross mal-linja ta’ Matias Muchardi u s-soltu Tyrone Farrugia b’daqqa ta’ ras sammar il-ballun wara Rudy Briffa. Ftit qabel spiċċat l-ewwel taqsima, ċans ieħor għall-Mosta, ix-xutt ta’ Muchardi kien salvat b’diffikulta’ minn Briffa, il-ballun spiċċa għand Edin Murga li xxutja ftit għoli.

Mal-ftuħ ta’ tieni taqsima Tarxien ħarġu fuq l-attakk , wara biss minuta xutt angulat ta’ Daniel Zerafa ġie mblukkat minn Vella u Farrugia kklerja. Ftit wara Mosta wieġbu bi kross ta’ Edin Murga u minn taħt il-lasta Jonas Ekani tefa’ barra. Fis-56 minuta Mosta rduppjaw l-iskor meta Momodou Jallow tefa’ taħt il-lasta ta’ Briffa u mill-viċin Nikita Kotlov tefa’ ġewwa u tlett minuti wara Mosta reġgħu sabu x-xibka, meta Edin Murga baqa’ javvanza fuq ix-xellug u b’xutt fil-baxx għamel l-iskor 3-0. Mosta komplew jattakkaw u fis-67 minuta Kotlov kompla lejn Jallow pero’ dan minn taħt il-lasta avversarja naqas li jikkonkuldi għall ġewwa. Fit-80  minuta Mosta komplew iżidu l-iskor meta Kotlov komplew lejn Momodou Jallow u dan bil-kalma kolla tefa’ l-ballun wara Rudy Briffa.

Riżultat finali: Tarxien R. 0 – Mosta FC 4.

Referee : Darryl Aguis.

BOV Player tal-partita: Edin Murga (Mosta FC)

Miktub minn...
TVM Sport
.
Aħbarijiet Oħra
Futbol lokali

Emmanuel Bartolo, gowlkiper ta’ Hamrun Spartans u Destin Mambouana, plejer ta’ Tarxien Rainbows, ġew sospiżi partita mill-Kummissarju tad-Dixxipplina tal-Malta Football Association. Iż-żewġ plejers iridu jiskontaw il-partita li jmiss mill-Kampjonat BOV…

Futbol lokali

KAMPJONAT BOV PREMIER 2019/20 VALLETTA FC……….1 FLORIANA FC………1 Quddiem folla ta’ madwar 3,800 spettatur ir-rivali Valletta u Floriana ħadu punt kull wieħed hekk kif il-Beltin ġabu l-goal tad-draw fl-aħħar sekondi…

Futbol lokali

KAMPJONAT BOV PREMIER 2019/2020 Gudja Utd……1 St Lucia……..1 Wara 6 minuti logħob xutt ta’ David Mendoza spiċċa ftit barra. Fl-20 minuta xutt tas-sostitut Omar Elouni ġie salvat mill-goalkeeper Debono. Fis-27…

Futbol lokali

Suċċess ieħor għall-Assoċjazzjoni tal-Malta Veterans taħt it-tmexxija tal-President Lino Bartolo hekk kif it-team spiċċa bħala runner up f’Tournament internazzjonali bl-isem ta’ Ascoli Veterans Cup fejn it-team Malti wasal sal-finali u…

Aktar