Futbol lokali
Kampjonat BOV Premier: Rebħa mistħoqqa għal Senglea Athletic

KAMPJONAT BOV PREMIER 2017/18

Senglea Athletic….2

Lija Athletic ………0

Senglea rebħu d-dwell tal-Athletics meta għelbu lil Lija bl-iskor ta’ 2-0 sabiex kisbu l-ħames rebħa tagħhom staġjonali .

Senglea kienu favoriti illi jiksbu t-tliet punti minn dan il-konfront kontra tim illi kien jinsab f’qiegħ il-klassifika.

Iż-żewġ timijiet kellhom neqsin plejer kull wieħed minħabba sospensjoni hekk kif Ivan Paz ta’ Senglea u Ousmane Sidibe ta’ Lija kellhom jaraw din il-partita minn fost l-ispettaturi.

Fl-ewwel rawnd kienu Senglea li rebħu 3-2.

Kienu Senglea illi ħolqu l-ewwel azzjoni wara tnax –il minuta meta xutt tajjeb ta’ Gonzalo Virano sab lil Jonathan Martinelli attent hekk kif laqa’ l-ballun f’korner.

Seba’ minuti wara u reġgħu kienu t-tim mill-Kottonera illi heddew il-lasti ta’ Lija meta Peter Sammut irċieva tajjeb u b’xutt fil-baxx ra l-ballun għoddu jħakkek il-wieqfa.

Fil-25 minuta tasal l-ewwel azzjoni perikoluża ta’ Lija meta Raphael Kooh Sohna ħa l-ballun b’mod tajjeb mingħand difensur Senglean u b’xutt fil-baxx laqat il-lasta l-wieqfa.

Fis-27 minuta frikik ta’ Gonzalo Virano għal Senglea u reġa’ kien Martinelli li xeħet f’korner.

Iżda fil-35 minuta, ix-xorti daħket lill-midfielder Arġentin meta minn frikik perfett indirizzat lejn ir-rokna rnexxielu jiftaħ l-iskor favur Senglea.

Fl-40 minuta, Lija pprotestaw għall-penalty meta Kooh Sohna deher jaqa’ meta ssikkat minn Jonathan Bondin iżda r-referi ħalla l-logħob għaddej.

Tliet minuti qabel tmiem l-ewwel taqsima, Senglea jibqgħu perikolużi u wara kross ta’ Vella kien Sammut illi xeħet il-ballun barra.

Bl-ewwel taqsima għalqet b’Senglea 1-0 minn fuq.

Daqqa ta’ ħarta għal Lija fil-50 minuta meta Patrick Borg tkeċċa wara li dabbar żewġ karti sofor.

Id-dwell bejn Virano u Martinelli ssokta u fil-51 minuta tal-ewwel ra l-frikik tiegħu imurlu ftit barra.

Fit-63 minuta ħarba tas-sostitut Caseres għal Senglea twaqqfet mill-gowlkiper Martinelli.

Fit-72 minuta, is-sostitut ta’ Lija Juan Campos ra x-xutt tiegħu jmurlu barra.

Fis-87 minuta, it-tim mill-Kottonera ssiġġillaw ir-rebħa meta wara azzjoni ta’ frikik kien Augusto Rene Caseres illi mill-viċin għeleb għat-tieni darba lil Martinelli.

B’din ir-rebħa Senglea komplew tbiegħdu aktar mir-relegazzjoni u jistgħu jħarsu b’mod pożittiv lejn il-kumplament tal-kampjonat.

 

Riżultat Finali: Senglea 2 Lija 0

BOV Plejer tal-Logħba kien Gonzalo Virano ta’ Senglea

Referi kien Malcolm Spiteri

Miktub minn...
TVM Sport
Aħbarijiet Oħra
Futbol internazzjonali

Partita ta’ ħbiberija_Stadium Nazzjonali Mas Taborsko (Repubblika Ċeka) ……… 1 Floriana (Malta) ……………………………… 2 Il-progress ta’ Floriana mill-bidu tas-sena ‘l hawn ikompli jħalli l-frott hekk kif f’logħba ta’ ħbiberija l-Erbgħa…

Futbol internazzjonali

Partita ta’ ħbiberija_Stadium Nazzjonali Zbrojovka Brno (Repubblika Ċeka) ……… 3 Hibernians (Malta) ……………………………. 1 Fl-ewwel minn sensiela ta’ partiti ta’ ħbiberija bejn it-timijiet Ċeki u mis-Slovakkja li ħadu sehem fit-Tipsport…

Futbol lokali

Ħamrun Spartans ippreżentaw l-aħħar akkwist tagħhom hekk kif kisbu lill-midfielder Messikan ta’ tlieta u għoxrin sena Misael Miranda. Il-preżentazzjoni saret mill-President ta’ Ħamrun Spartans Nunzio Antignano, l-plejer iffirma b’self sal-aħħar…

Futbol lokali

Il-winger internazzjonali Malti ta’ taħt il-wieħed u għoxrin sena Myles Beerman issa uffiċjalment player ta’ Gżira United. Huwa ġie ppreżentat mill-President Sharlon Pace u l-kowċ Darren Abdilla. Beerman ingħaqad mal-Maroons…

Aktar