Futbol lokali
Kampjonat BOV Premier: Rebħa tajba għall-Mostin

KAMPJONAT BOV PREMIER 2018/19

Mosta…..3

Tarxien….1

Mosta kisbu t-tieni rebħa konsekuttiva fil-kampjonat meta għelbu lil Tarxien Rainbows bl-iskor ta’ 3-1. Għal dawn tal-aħħar din kienet it-tieni telfa fil-kampjonat.

Kienu Tarxien li ħolqu l-ewwel ċans tal-partita fir-raba’ minuta meta rovexxjata ta’ Ricardo Faria għaddiet kemm kemm barra.

Ir-Rainbows bdew ikunu l-aħjar u fis-16-il minuta xutt imkaxkar ta’ Nilsson ħabat mal-wieqfa.

Iżda litteralment kontra x-xejra tal-logħob, kienu Mosta li marru fil-vantaġġ meta kien Miranda Gomez illi sab il-ballun ma’ saqajh u b’xutt b’saħħtu għeleb lil Andrea Cassar.

Fl-44 minuta kien Andrea Cassar li tar minn tulu sabiex salva għall-korner xutt b’saħħtu minn barra l-kaxxa ta’ Hirose.

Mill-korner li segwa kien Tyrone Farrugia li mill-viċin tefa’ l-ballun fir-rokna tax-xibka sabiex għamilhom 2-0.

Iżda ħames sekondi minn tmiem l-ewwel taqsima kien Michele Paolucci għal Tarxien li naqqas il-marġni tal-iskor meta b’xutt b’saħħtu għeleb lil Vella sabiex l-ewwel taqsima għalqet b’Mosta 2-1 minn fuq.

Mosta prattikament issiġillaw ir-riżultat meta skorjaw it-tielet gowl tagħhom fil-51 minuta meta kien Miranda li għadda ballun tajjeb lil James Brincat li mill-viċin xeħet wara Cassar.

Riżultat finali: Mosta 3 Tarxien 1

BOV Plejer tal-logħba kien Kei Hirose ta’ Mosta.

Referi kien Stefan Pace.

 

Miktub minn...
TVM Sport
Aħbarijiet Oħra
Futbol lokali

Birkirkara ppreżentaw l-akkwisti u l-isponsors il-ġodda f’konferenza stampa organizzata llum wara nofsinhar li ġiet indirizzata mill-President Frank Zarb, mid-Drettur Tekniku Michael Valenzia u mid-Direttur Sportiv John Arne Riise. Frank Zarb,…

Futbol lokali

Bejn għada u l-Ħadd, jintlagħbu l-erba’ kwarti tal-finali tal-FA Trophy, fejn minnhom iridu joħorġu s-semifinalisti għal dan l-istaġun. It-tmien kowċis li se jkunu nvoluti f’dawn il-partiti ngħaqdu f’daqqa fil-Millennium Stand…

Futbol lokali

Fi tmiem din il-ġimgħa se jkun hawn f’Malta l-Kap tar-Referees tal-Belġju Johan Verbist,  li huwa wkoll il-persuna responsabbli mis-sistema tal-VAR fil-pajjiż. Il-Belġju kien wieħed mill-ewwel pajjiżi li ntroduċa s-sistema tal-VAR…

Aktar