Futbol lokali
Kampjonat BOV Premier: Sliema Wds jimbuttaw lil St Andrew’s iktar ‘l isfel

KAMPJONAT BOV PREMIER 2017/18

Sliema W. ………..1

St.Andrews………0

St. Andrews kienu qed jippruvaw li jiksbu riżultat pożittiv minn dan il-partita, peress li kienu jinsabu fit- tielet post mill-aħħar bi 17 -il punt wara 21 partita. Huma kisbu 3 punti biss mill-aħħar 4 ħarġiet tagħhom.

Minn naħa l-oħra it-tim Slimiż kien jinsab komdu f’nofs il-klassifika, fis-7 post , bi 33 punt wara 21 partita ukoll.

Fl-ewwel round Sliema Wds kienu ħarġu rebbieħa bi skor ta’ 2-0, filwaqt li anki fl-FATrophy, it-tim Slimiż  kien elimina lis-Saints bl-skor ta’ 3-1.

Fit 18 –il minuta waslet l-ewwel azzjoni tal-partita meta Edmond Agius kompla lejn Matthias Muchiardi bix-xutt ta’ dan ikun devjat minn Temile u l-ballun jaħbat mal-lasta ta’ St.Andrews bil-goalkeeper Calleja Cremona megħlub. Fil-31 minuta free-kick ta’ Joseph Farrugia spiċċa għoli u ħames minuti wara xutt ta’ Tano Azian ġie imdawwar f’korner mid-difiża Slimiża. Fid-39 minuta free-kick għal Sliema li ngħata minn Correa Duarte u Calleja Cremona salva tajjeb u tlett minuta qabel għalqet l-ewwel taqsima, is-Saints ukoll laqtu lasta Slimiża b’xutt sabiħ ta’ Tano Azian.

Fit-tieni taqsima St.Andrews ħarġu aktar fuq l-attakk u fil 54 minuta korner ta’ Joseph Farrugia u daqqa ta’ ras ċentrali ta’ Jason  Van De Lannoite ġiet salvata tajjeb minn Glenn Zammit. Ħames minuti wara xutt mid-distanza ta’ Kemar Reid kien salvat tajjeb minn Zammit. Fit-72 minuta kross mix-xellug ta’ Ashong Nii Nomyey pero’ xutt fjakk ta’ Muchardi kien salvat bla diffikulta’ minn Calleja Cremona sabiex żewġ minuti wara Sliema fethu l-iskor b’azzjoni personali tas-sostitut Kilan Ameli li b’xutt tajjeb għeleb lill-goalkeeper tas-Saints.

Ref : Etienne Mangion.

BOV Player tal-partita : Ricardo Correa Duarte ( Sliema W.).

 

Miktub minn...
TVM Sport
.
Aħbarijiet Oħra
Futbol lokali

Victoria Hotspurs żammew is-sitt punti vantaġġ fuq l-eqreb avversarji fil-quċċata tal-BOV Gozo Football League l-1 Diviżjoni b’rebħa kbira ta’ 8-0 fuq it-team tal-qiegħ Munxar Falcons. Għall-Hotspurs erba’ goals minn Elton…

Futsal

Fis-semifinali tan-Knock Out kellna taqtigħa interessanti bejn Valletta u Birkirkara. Valletta kisbu vantaġġ doppju meta wara għaxar minuti logħob Rafael Medeiros Rodrigues fetaħ l-iskor u Shawn Vella għamilhom 2-0. Birkirkara…

Futbol lokali

KAMPJONAT MAFA 2018/19 Wirja impekkabbli fit-tieni taqsima kienet fundamentali sabiex Versity AFC jerġgħu jirritornaw waħedhom fil-quċċata tal-klassifika meta f’logħba akkanita għelbu lil San Ġiljan Saints bl-iskor ta’ 3-1. Min-naħa l-oħra…

Futbol lokali

Tħabbret il-mewt tal-eks player internazzjonali u eks player ta’ Floriana  Żaren Alamango. F’karriera li tisboq 14-il staġun ma’ Floriana FC, Alamango lagħab 154 logħba kompetittiva għal Floriana u skorja 27…

Aktar