Futbol lokali
Kampjonat BOV Premier: Valletta jitilgħu punt taħt Balzan

Kampjonat BOV Premier 2017/18

Lija Athletic…..1

Valletta…………3

Valletta punt biss taħt Balzan wara li iddominaw lil Lija Athletic bi skor ta’ 3-1.

Valletta ħarġu mill-ewwel fuq l-attakk u wara biss żewġ minuti logħob huma laqtu lasti ta’ Lija b’xutt b’saħħtu ta’ Matteo Piciollo. Fil-15-il minuta free-kick għal Valletta li ngħata minn Miguel Angel Alba u xutt mill-viċin ta’ Albert Prosa ġie salvat minn Luke Bonnici.

Fl-24 minuta żewġ xuttijiet konsekuttivi ta’ Piciollo u Malano, it-tnejn ġew imblukkati mill-goalkeeper Bonnici b’diffikultà.

Żewġ minuti wara Saleh kompla lejn Piciollo iżda x-xutt ta’ dan ġie imdawwar f’korner minn Bonnici u ftit wara daqqa ta’ras ta’ Ibrahim Saleh spiċċat ftit gholi.

Il-Belt komplew b-attakki u fit-30 minuta xutt ta’Manuel Pena Beltre ġie imdawwar f’korner minn Bonnici b’għajnuna tal–lasti.

Fit-34 minuta Valletta fethu l-skor meta Piciollo ikrossja għan-nofs daħal Albert Prosa li mattar saqajh u tefa’ l-ballun ġewwa.

Fit-43 minuta Valletta reġgħu laqtu lasti ta’ Lija b’xutt ta’ Piciollo wara li rċieva pass perfett mingħand Malano.

Fit-tieni taqsima Valletta komplew bid–dominanza tagħhom. Fis-57 minuta kross mix-xellug ta’ Piciollo u daqqa ta’ ras ta’ Prosa tgħaddi ftit barra, u ftit wara xutt ta’ Matteo Piciollo spiċċa ftit għoli.

Fis-66 minuta Valleta rduppjaw l-skor meta Ibrahim Saleh kompla lejn Miguel Angel Alba u dan b’xutt għar-rokna għeleb lil Bonnici.

Fil-75 minuta Valletta skurjaw it-tielet goal tagħhom, meta Miguel Angel Alba b’azzjoni personali kkonkluda b’xutt b’saħħtu fil baxx li għeleb lil Bonnici.

Fl-aħħar minuta Lija skurjaw il-goal ta’ konsulazzjoni bi free-kick dirett ta’ Erjon Beu li għeleb lil Bonello.

BOV Player tal partita : Matteo Piciollo ( Valletta FC ).

Ref : Ishamel Barbara.

Miktub minn...
TVM Sport
Aħbarijiet Oħra
Futbol lokali

Birkirkara ppreżentaw l-akkwisti u l-isponsors il-ġodda f’konferenza stampa organizzata llum wara nofsinhar li ġiet indirizzata mill-President Frank Zarb, mid-Drettur Tekniku Michael Valenzia u mid-Direttur Sportiv John Arne Riise. Frank Zarb,…

Futbol lokali

Bejn għada u l-Ħadd, jintlagħbu l-erba’ kwarti tal-finali tal-FA Trophy, fejn minnhom iridu joħorġu s-semifinalisti għal dan l-istaġun. It-tmien kowċis li se jkunu nvoluti f’dawn il-partiti ngħaqdu f’daqqa fil-Millennium Stand…

Futbol lokali

Fi tmiem din il-ġimgħa se jkun hawn f’Malta l-Kap tar-Referees tal-Belġju Johan Verbist,  li huwa wkoll il-persuna responsabbli mis-sistema tal-VAR fil-pajjiż. Il-Belġju kien wieħed mill-ewwel pajjiżi li ntroduċa s-sistema tal-VAR…

Aktar