Futbol lokali
Kampjonat GFL BOV tal-1 Diviżjoni: Victoria Hotspurs jirbħu t-13-il kampjonat fl-istorja tagħhom

Victoria Hotspurs rebħu l-Kampjonat GFL BOV tal-1 Diviżjoni bi stil meta fil-Gozo Stadium huma għamlu ħerba minn Xewkija Tigers meta rebħulhom bl-iskor kbir ta’ 7-2. Għalkemm il-Hotspurs lagħbu aktar minn taqsima sħiħa b’raġel inqas, xorta waħda kienu superjuri għall-avversarji u qatt ma kienu fil-periklu li jfallu xi punti f’dan il-konfront.

Appena għaddew 3 minuti u l-Hotspurs fetħu l-iskor permezz ta’ Elton Da Silva, b’Henrique Maciel jirdoppja fit-12-il minuta. Man-nofs siegħa logħob it-tim tal-kapitali Għawdxija spiċċa bi plejer inqas meta Ferdinando Apap kien muri l-karta l-ħamra u mar fid-dressing room qabel sħabu. Imma n-nuqqas ta’ plejer fil-grawnd ma deherx li affettwa lill-Victoria Hotspurs li permezz ta’ Maciel żiedu ieħor fit-32 minuta biex għamluhom 3-0 u hekk baqgħu sal-mistrieħ.

Fis-47 minuta Xewkija dehru li ser iwettqu reazzjoni tant li Christian Bugeja tefa’ fix-xibka għal 3-1, imma mal-ewwel waslet il-kontro-risposta tal-Hotspurs li mal-50 minuta skurjaw permezz ta’ Christian Mercieca u l-iskor sar 4-1. Mat-53 minuta Xewkija mhux biss naqqsu d-distakk għat-tieni darba imma anke naqqsu l-plejers tagħhom fil-grawnd, għax l-ewwel kien Sergio Arturo Martinez Villa li tefa’ fix-xibka għal 4-2 u eżattament wara l-istess plejer dabbar il-ħamra u ż-żewġ timijiet spiċċaw b’għaxra. Minn hemmhekk ‘il quddiem Victoria Hotspurs reġgħu ħadu l-kontroll assolut tal-logħba u Emiliano Lattes għamilhom 5-2 fl-84 minuta. Elton Da Silva għaqqad il-hat-trick personali, meta skorja darbtejn fuq xulxin, fis-86 u fid-89 minuta biex żied mal-gowl tiegħu tal-ewwel taqsima u b’hekk għalaq ir-riżultat 7-2 favur il-Hotspurs.

B’hekk, wara li ġie fi tmiemu l-kampjonat, Victoria Hotspurs spiċċaw fl-ewwel post b’55 punt minn 20 logħba, b’Nadur Youngsters ikunu l-uniku tim li pruvaw iżommu l-pass meta spiċċaw l-istaġun 6 punti wara r-rebbieħa.

Anke Nadur Youngsters rebħu l-aħħar logħba tal-istaġun bil-kbir meta għelbu lil Kerċem Ajax bl-iskor kbir ta’ 6-0.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol lokali

‘Forward Together’…’Flimkien ’il Quddiem’, hu l-isem tal-kampanja ta’ Bjorn Vassallo, kandidat għall-elezzjoni ta’ President tal-Malta Football Association, li se ssir fil-Laqgħa Ġenerali Annwali tal-20 ta’ Lulju li ġej. F’konferenza ta’…

Futbol lokali

Ir-referee Malti Trustin Farrugia Cann ġie promoss għal Kategorija 2 fuq il-Panel tal-FIFA. Farrugia Cann isieħeb lir-referee lokali l-ieħor Alan Mario Sant f’din il-kategorija li tfisser li jistgħu jikkontrollaw partiti…

Futbol lokali

Aktar transfer hekk kif Floriana wkoll bdew jiċċaqalqu bl-akkwisti kkordinati mill-President Riccardo Gaucci li ftit jiem ilu reġa’ ġie konfermat fil-kariga mill-Laqgħa Ġenerali Annwali tal-Greens. Floriana kkonfermaw l-akkwist ta’ Augusto…

Futbol lokali

Ikomplu l-akkwisti ta’ aktar players barranin mill-Club ta’ Balzan hekk kif dawn iffirmaw lill-attakkant mis-Serbja Stefan Dimic. Dimic, għandu 26 sena, u fil-passat lagħab mat-teams tal-Youths u anke ta’ taħt…

Aktar